O festival BurgoJazz celébrase desde o venres 4 ao luns 7 de xullo chegando a súa XIV edición. A cita combina a promoción dos artistas galegos e da comarca do xénero con grupos de renome nacional.
O día 30 de xuño puxéronse en funcionamento de forma definitiva as novas liñas de bus, tanto o metropolitano como o de interese municipal, tras as negociacións efectuadas polo Concello de Culleredo coa Dirección Xeral de Mobilidade da Xunta de Galicia.
Protección Civil crece en Culleredo. O Concello logra a incorporación de 11 novos voluntarios á agrupación, un número moi superior ao que se produce de forma habitual cada ano. Acaban de superar o curso básico de iniciación ao servizo, concedido pola Axencia Galega de Seguridade ao Concello.
O Concello de Culleredo celebrou a clausura da tempada das actividades sociais municipais. Un total de 400 veciños participaron nas iniciativas, que abarcaron unha ampla variedade para adaptarse a todos os centros de interese.
O salón de actos do Edificio de Servizos Múltiples do Burgo estaba abarrotado na clausura do curso nas actividades culturais municipais. Os nenos e adultos participantes foron os protagonistas nun aforamento que superaba as 500 persoas.
Culleredo convértese este fin de semana no centro do futbol infantil da comarca. O XV Torneo Internacional de Fútbol 8 "Ponte Pasaxe" trae ao campo de fútbol do Burgo, desde o venres 27 e ata o domingo 29, a máis de 300 pequenos de 10 clubs de concellos como Culleredo, A Coruña, ou Cambre e de Portugal.
O goberno de Culleredo abre A Escada aos veciños alleos ao centro ocupacional para persoas con discapacidade intelectual situado no Burgo. O Concello propón este verán un conxunto de talleres que interrelacionarán a mozos con persoas con discapacidade intelectual.
Das 600 persoas que tomaron partida, desde o inicio do curso, no Campionato de Tute do Concello, a parella de Ledoño, Zacarías e Carlos, venceu este fin de semana a final e alzouse co título. O alcalde entregoulles o trofeo.
Máis dun centenar de nenos e novos, acompañados dos seus proxenitores, desprazáronse ata o Concello para recibir o recoñecemento do alcalde, Julio Sacristán, á tempada do Club Baloncesto Culleredo.
O Sporting Burgo, coa colaboración do Concello de Culleredo, celebra esta fin de semana a segunda edición do Torneo de Fútbol Base. Ten lugar desde hoxe venres 20 ata o domingo 22 no campo de fútbol do Burgo.
Os nenos cullerdenses suman unha nova alternativa saudable para o tempo libre do verán: a natación. O Concello e o Club Natación Culleredo lanzan un campamento deportivo e cursos intensivos para nenos, de 3 a 12 anos de idade. A inscrición está aberta.
O Concello estrea exposición no botánico do Burgo, na que son os propios veciños os protagonistas, exhibindo as creacións que realizaron durante todo o curso nas actividades municipais de cultura. Manualidades, pinturas en óleo, debuxos ou confeccións son algúns dos elementos expostos.
O Concello de Culleredo, ante o inminente comezo das XV Mañás de Campamento, organiza unha reunión informativa cos pais ou titores dos participantes. Terá lugar o venres 20 de xuño, ás 19.30 horas, no Edificio de Servizos Múltiples do Burgo.
Despois de anos de espera e tras intensificar as peticións, o Concello de Culleredo recibiu a confirmación verbal, por parte da Consellería de Sanidade, de que o Consello da Xunta aprobaba a licitación do demandado novo centro de saúde para o municipio. O goberno municipal espera que xa non se produzan novos atrasos dada a prioridade da infraestrutura para os veciños.
O Concello de Culleredo lanza un curso de zumba durante o verán, dirixido aos mozos e mozas de 14 a 18 anos de idade, de carácter gratuíto. Terá lugar todos os venres de xullo e agosto en horario de 20.00 a 21.00 horas no centro social de Fonteculler.
Durante os días 9, 10 e 11 de xuño desenvolveuse no IES Universidade Laboral de Culleredo un curso piloto de electricidade básica para o mantemento de aeroxeradores. Trátase dunha acción enmarcada dentro do proxecto Leonardo da Vinci TOI (Transfer of the Innovation), financiado con fondos europeos.
O Club Baloncesto Culleredo e o Sporting Burgo organizan sendos campus de verán, cos que colabora o Concello de Culleredo. As inicitivas permiten unha alternativa saudable para o verán dos nenos.
O Concello de Culleredo reuniu o pasado sábado a un cento de participantes no Torneo de Chave que alcanzou a súa XXXIII edición. O club de chave Aldea, de Vigovidín, núcleo da parroquia de Almeiras, resultou o vencedor da proba.
O Conservatorio Municipal de Culleredo celebra o mércores 11 de xuño a segunda edición do encontro Batutas e Bastóns, coordinado e presentado polo profesor Marcos Seoane. Nesta ocasión, o encontro recibe a unha eminencia da música: Jesús López Cobos, director de orquestra que mesmo recibiu o Premio Príncipe de Asturias das Artes.
O Concello de Culleredo solicita á Xunta máis ahoras atención ás persoas con dependencia e dar novas altas, un programa que entende debe ser "prioritario". O Concello está a investir da orde de 328.000 euros, cifra moi superior aos 145.000 euros que destina a Xunta.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER