O Concello de Culleredo dedicará o plan DTC 93, que cofinancia a Deputación da Coruña, á execución de diversas obras de máximo interese para os veciños. O pleno aprobou o pasado xoves a relación de actuacións, que abarcan desde a mellora de seguridade viaria ata a renovación de infraestruturas deportivas.
Culleredo acolleu o domingo 23 de febreiro a Ártabra, unha durísjma travesía ciclista de 81 quilómetros, ou 48 no percorrido curto, polos montes da Zapateira, Bregua, Santa Leocadia e Xalo.
Culleredo loitará contra a reforma local que aprobou en decembro o Goberno do Estado. O pleno, a proposta do equipo de goberno, aprobou a interposición dun conflito ante o Tribunal Constitucional contra a Lei de Racionalización e Sustentabilidade da Administración Local.
O Concello de Culleredo presenta un programa de Entroido que busca dar resposta aos intereses dos veciños de todas as idades. O goberno local confección un programa con vertentes para nenos, adultos e maiores.
O Concello de Culleredo participa o mércores 26 de febreiro na xornada "Oportunidades dos productos locais para o emprendemento no sector agroalimentario", que celebra a reserva de biosfera das Mariñas Coruñesas e Terras do Mandeo, da que forma parte. A concelleira de Promoción Económica, Marta Iglesias, moderará unha das mesas de debate do evento.
Culleredo acolle no xardín botánico do Burgo a súa exposición máis solidaria. Trátase da mostra do concurso "Imaxes con fondo" que organizou o Fondo Galego de Cooperación e Solidariedade, entidade da que forma parte o Concello de Culleredo. A exposición estará aberta ao público ata o vindeiro venres 7 de marzo.
O Concello de Culleredo organiza, xunto coa Asociación de usuarios de bancos, caixas e seguros (ADICAE), un taller para coñecer a factura eléctrica e aprender a reducila. Terá lugar o día 27 de febreiro no Pazo de Vila Melania ás 19.30 horas.
A Concellaría de Cultura de Culleredo organiza durante os meses de marzo e abril un curso de iniciación á grafoloxía. Trátase da segunda edición da iniciativa, dada o éxito cultivado na primeira, que tivo lugar en novembro.
Culleredo e a rexión italiana de Reggio Calabria iniciaron o proxecto Schoolab. Está participado polo Concello, o IES Blanco Amor e a ONG Mestura por parte española, e pola Deputación de Reggio Calabria, o instituto Magistrale Gulli, e a asociación Pronexus, por parte italiana. A súa finalidade: desenvolver estratexias conxuntas para afrontar o absentismo escolar.
O goberno local acaba de remitir unha listaxe cunhas 150 correccións nos domicilios e con 30 inmobles a incorporar ao Plan de Illamento Acústico do aeroporto. Esta celeridade en confeccionar e enviar este informe mereceu o agradecemento da oficina de xestión. Coa información enviada, a oficina revisará o censo e remitirá de novo a carta a aqueles residentes que non a recibiron.
O seminario, titulado "Manexo dos trastornos de personalidade polos servizos profesionais de proximidade: estratexias e casos", organizado polo Concello de Culleredo e a Asociación Galega de Trastornos de Personalidade (TP Galicia) logra un gran éxito de público. Asistiron cerca de 40 persoas ás sesións celebradas en Vilaboa.
O Club Natación Culleredo quedou terceiro na clasificación xeral do XV Encontro Concello de Arteixo, con 16 medallas. O concelleiro de Deportes, Miguel Suárez, quere felicitar en nome do Concello de Culleredo ao Club polos excelentes resultados e sobre todo o enorme traballo e esforzo que están a realizar.
Os montes de Culleredo acollerán o domingo a VII Pedalada Ártabra coa participación de case 500 persoas. Cada un dos deportistas achegará un litro de leite ao Fondo Municipal de Alimentos, que despois serán distribuídos entre os cidadáns con necesidade.
O Concello de Culleredo e a Asociación Galega de Trastornos de Personalidade formarán aos profesionais no manexo dos casos máis complexos desta patoloxía. Realizarano a través dun seminario que terá lugar o xoves, 20 de febreiro, en horario de 9.30 a 13.30 horas, no Centro Municipal de Servizos Sociais de Vilaboa.
O Concello de Culleredo ten previsto solicitar á Xunta de Galicia dous cursos preparatorios para as probas dos niveis de Celga 2 e Celga 4. En función dos interesados, a Xunta concederá a súa realización, polo que se abre unha preinscrición ata o 20 de febreiro.
Culleredo acolleu o domingo o primeiro Rally de Coches Clásicos, organizado pola Escuadra Centollo e o Concello de Culleredo. O evento xuntou a uns 40 modelos de coches, que datan desde 1966 a 1985. Puidéronse ver marcas como Porsche, Mini, Lancia, MG, Opel ou Fiat.
O cotexo de documentación e a obtención de determinados certificados xa non levan o pago de ningunha taxa en Culleredo. Despois da súa aprobación en pleno, e tras finalizar o período de exposición pública sen recibir alegación algunha, entra en vigor a supresión dun total de 13 epígrafes da ordenanza fiscal número 6, a proposta do Concello de Culleredo
Culleredo converterase o vindeiro domingo, 16 de febreiro, nun percorrido á historia do automobilismo. O municipio acollerá o primeiro Rally de Coches Clásicos, organizado pola Escuadra Centollo e o Concello de Culleredo.
O Concello de Culleredo quere mostrar a súa "seria e profunda preocupación" pola falta de noticias da Xunta de Galicia achega do futuro instituto de Educación Secundaria para o municipio, unha petición reiterada polo goberno local e a comunidade educativa desde hai moitos anos.
O Concello de Culleredo e a Asociación ANHIDA organizan unha Xornada baixo o título: “Cómo previr e actuar ante posibles adiccións tecnolóxicas?”. Terá lugar o día 14 de febreiro no Salón de actos do Conservatorio, ás 20.00 horas, e será impartida por especialistas na materia.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER