O Concello organiza durante o próximos tres meses un curso de iniciación á grafología. Comezará hoxe, 4 de novembro, e prolongarase durante 12 xornadas, na Biblioteca de Vilaboa.
O mundo da buxaina funciona como fío condutor para os talleres de manualidades, literatura ou contacontos que organiza o Concello para 1.300 escolares de Primaria do municipio. Están enmarcadas na exposición "O espazo máxico. Buxainas e libros para nenos" instalada polo Concello na aula de Natureza do Burgo.
O futuro IES de Culleredo contará con amplas instalacións para dar resposta ás necesidades da comunidade educativa. O proxecto propón unha distribución en tres plantas máis un soto para dar a cabida a todos os espazos de docencia e administrativos que se requiren.
O goberno municipal duplica as prazas creando dúas edicións do curso de micoloxía e así satisfacer as peticións realizadas polos veciños. Os dous cursos, de catro días de duración cada un, celebraranse no mes de novembro.
O Concello de Culleredo organiza o luns 28 de outubro o obradoiro "Movete con Europa". Está dirixido á mocidade cullerdense, de 16 a 30 anos de idade, co obxecto de dar información sobre os distintos programas europeos á súa disposición.
Uns 500 quilos de castañas e un milleiro de persoas acudirán o sábado, 26 de outubro, á festa do Magosto Municipal que organiza o Concello de Culleredo. Terá lugar no parque recreativo de Celas de Peiro, a partir das 6 da tarde.
O Concello abre o prazo de inscrición para o programa "Ponte a punto", ata o 31 de outubro próximo. A acción de reforzo escolar está dirixida ao alumnado do 3º ciclo de Primaria (5º-6º), a ESO (1º-4º) e PCPI.
O goberno de Culleredo prepara a humanización das rúas Hersa e Sanjurjo de Carricarte. Novas xardineiras, bancos, espazos para aparcar as bicis e o traslado dos colectores soterrados en desuso serán as actuacións.
Unha trintena de mozos, de 18 a 35 anos de idade, acudiron ao curso de conducción segura ante condicións adversas que organizou para mozos o Concello de Culleredo a pasada fin de semana.
A entrada peonil ao CEIP Sofía Casanova restablécese este luns, 21 de outubro, tras o peche provisional efectuado polas obras do parque. Completada a aplicación de formigón no acceso para permitir a entrada segura, os alumnos e pais xa poderán volver usar esta porta.
A crise non frea o investimento do Concello de Culleredo a favor do tecido asociativo do municipio. O goberno municipal cifra en 300.000 os euros dedicados ao mantemento das entidades e á realización dos seus diferentes programas e actividades.
A Concellaría de Sanidade e ASEM desenvolven o I Ciclo Formativo Sociosanitario no municipio. A terceira xornada deste ciclo versou sobre os hábitos posturales saudables e as regras para a vida diaria. Celebrouse no Pazo de Vila Melania.
O Concello e asociación Adicae celebraron en Vilaboa unha xornada para abordar o papel dos consumidores na situación económica actual. A concelleira de Sanidade, Penélope López, presentou a “Xornada sobre asociacionismo e participación cidadá no ámbito do apoio aos consumidores”.
A remodelación do parque Sofía Casanova, de Vilaboa, que leva a cabo o Concello de Culleredo, obriga a establecer, de forma provisional, a entrada para peóns pola porta principal, quedando deshabilitado o acceso peonil desde o parque, para garantir a seguridade de alumnos e pais. A Policía Local vixiará o cambio.
A conmemoración do Día Mundial da Muller Rural ten lugar o martes 15 en Culleredo cunha mostra de iniciativas femininas de éxito. O Concello pretende visibilizar diferentes experiencias de mulleres do municipio e da comarca.
O goberno local ultima a construción de beirarrúas na rúa Xafontes, entre a Nacional 550 e a ponte que pasa encima da autoestrada AP-9, na marxe dereita. Trátase dun viario que é especialmente utilizado polos veciños de Vilaboa, Laxe ou Conduzo.
Ante os graves incumprimentos do acordo firmado co Concello da Coruña para a prestación do servizo de taxis no aeroporto, o Concello de Culleredo denunciará o convenio e demandará a redacción dun novo para mellorar o sistema. Prevese unha reunión para finais de mes.
O alcalde de Culleredo, Julio Sacristán, e a concelleira de Educación, Carmen Varela, mantiveron unha reunión coa Consellería de Educación para analizar a situación na que se atopan os proxectos de construción do futuros IES e CEIP.
Desde o 11 de outubro ata o 10 de novembro a Aula de Natureza “Juan Lembeye” do Xardín Botánico “Ría do Burgo” acollerá unha orixinal exposición sobre literatura infantil, buxainas e ilustracións.
Contacontos, contos en inglés, representación de títeres e obradoiro de Samaín conforman a programación infantil da Biblioteca municipal do Burgo.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER