O campus de fútbol que celebra o club Sporting Burgo recibiu un festín de froita. Tratouse do punto Komesan, que leva a cabo o Concello de Culleredo, a través da Concellaría de Sanidade, para fomentar a alimentación saudable, sobre todo entre os pequenos do municipio. O Concello de apoiou ademais a asistencia ao campus de fútbol a 20 nenos de familias con dificultades económicas.
O Concello de Culleredo presenta a conta xeral do exercicio económico 2012 cuns excelentes resultados. De feito, a liquidación orzamentaria alcanza valores que non se lograban desde 2006. O remanente de tesouraría arroxa unha cifra que reverte radicalmente a situación negativa do pasado exercicio e agora alcanza os 2.907.995,97 euros.
O Concello de Culleredo inicia un plan de acondicionamento da rede viaria mediante a roza das estradas municipais de todas as parroquias. Os traballos comezaron pola parroquia de Rutis, no núcleo de Vilaboa, e nas próximas semanas estenderanse ás restantes parroquias. Os traballos abarcarán a 164 quilómetros de 282 estradas municipais.
Aena acaba de iniciar a segunda fase da construción da senda peonil que rodeará á nova cabeceira do aeroporto de Alvedro. Trátase dunha das actuacións solicitadas polo goberno de Culleredo para ofrecer aos veciños unha nova contorna de esparexemento e garantir a súa mobilidade na zona da ampliación da pista. Comunicará o novo parque da festa, inaugurado o ano pasado, con Fontemaior.
A sala infantil da Biblioteca do Burgo inicia un programa de talleres que se prolongará durante todos os mércores dos meses de xullo e agosto. A Concellaría de Cultura deseñou unha variada programación, baseada principalmente no ámbito das manualidades, dirixida para nenos e nenas maiores de 5 anos de idade. As actividades comezan o mércores 3.
O festival BurgoJazz chega á súa XIII edición centrado na promoción dos artistas galegos e da comarca do xénero. Serán cinco xornadas, do 4 ao 8 de xullo, que levarán a grupos emerxentes ao xardín botánico do Burgo. Unha das grandes novidades reside na participación por primeira vez no festival da Big Band do Conservatorio. Desta forma, o Concello aposta por promocionar o traballo dun grupo creado no centro de formación municipal e con moito futuro no panorama musical.
Culleredo converteuse esta fin de semana no centro do futbol infantil da comarca. O XIV Torneo Internacional de Fútbol 8 "Ponte Pasaxe" trouxo ao campo de fútbol do Burgo, a 300 pequenos de 10 clubs de concellos como Culleredo, A Coruña, ou Cambre e de Portugal.
O Concello de Culleredo desenvolverá no verán un programa nos parques biosaudables do municipio dirixido aos maiores. Os participantes poderán asistir a sesións de ximnasia ao aire libre nas instalacións que dispón o Concello en Celas de Peiro e en Vilaboa, no pazo de Vila Melania.
O Concello de Culleredo pensa tamén na mocidade coa chegada do verán. No mes de xullo, a Concellaría de Xuventude propón un taller de iniciación á fotografía dixital e un curso de primeiros auxilios. O goberno municipal ten aberta a inscrición a ambas as accións.
O Concello de Culleredo comeza a súa tempada de campamentos urbanos de verán, unha alternativa para a conciliación a través da educación que reunirá até setembro a 300 pequenos. O goberno de Culleredo estruturou os campamentos en diferentes quendas de datas e de diferente duración, habendo desde campamentos dunha semana ata de cinco.
O centro municipal da Escada, que ofrece formación ocupacional para persoas con discapacidade intelectual, celebrou onte martes 25 a súa festa de fin de curso. Reuniu aos alumnos e as súas familias para o festexo. A concelleira de Benestar Social, Guadalupe Pombo, e a de Sanidade, Penélope López, participaron no festexo.
O goberno de Culleredo combate o fracaso escolar cun programa público de apoio aos escolares durante o verán. Trátase dunha serie de talleres encamiñados a apoiar e colaborar cos alumnos cullerdenses que teñen materias pendentes para os exames de setembro ou ben que desexan mellorar as súas técnicas de estudo.Tamén ofertánse clases dirixidas a mozos para a obtención do título graduado en Educación Secundaria. O prazo de matrícula está aberto ata este venres 28 de xuño.
O Concello de Culleredo impartirá unha formación destinada á cualificación profesional de 45 veciños en situación de desemprego. A hostalaría, a carpintaría e os servizos sanitarios serán os ámbitos de formación, que o goberno local considera que se adapta a algunhas das necesidades do mercado laboral. Os participantes serán seleccionados polo INEM.
O Concello de Culleredo levará a cabo unha ampla campaña de roza polas estradas municipais de todas as parroquias. Abarcará a 164 quilómetros de 282 estradas municipais situadas en todas as parroquias. O goberno local tramita a contratación destes traballos para que poidan comezar de inmediato, cun investimento municipal que roldará os 40.000 euros.
O Concello de Culleredo leva a cabo accións dirixidas aos consumidores. O vindeiro xoves 20 de xuño, ás 19.00 horas, no Pazo de Vila Melania, organiza coa Asociación de usuarios de banca e caixas de aforros (ADICAE) organizan unha xornada informativa sobre as preferentes, cuestión que preocupa na actualidade a moitas persoas.
O goberno de Culleredo demanda melloras na atención sanitaria do centro de saúde de Acea de Ama. O alcalde, Julio Sacristán, e a concelleira de Benestar Social, Guadalupe Pombo, desprazáronse ao Hospital Universitario da Coruña para manter unha reunión co director da Xerencia de Xestión Integrada da Coruña, Francisco José Vilanova, acerca do presente e futuro do servizo sanitario no municipio.
O Concello de Culleredo inicia esta semana o primeiro ciclo formativo sociosanitario sobre vida independente. Organízase en colaboración coa Asociación Galega contra as Enfermidades Neuromusculares (ASEM). Comeza o venres 21 de xuño e continuará ata o mes de xaneiro de 2014, no Pazo de Vila Melania. A inscrición está xa aberta.
O servizo municipal de aluguer de bicicletas inicia tempada. As bicicletas atópanse xa aparcadas nos tres puntos habilitados: o paseo marítimo xunto á urbanización A Ría; o paseo do Burgo xunto á ponte sobre a ría; e o paseo do río Trabe en Vilaboa. Cada un dispón dunha pantalla intelixente para acceder ao aluguer mediante a traxeta do servizo. O servizo estará aberto ata o 15 de outubro e ofrece un horario continuado de 12 horas ao día: de 9.00 a 21.00 horas.
O Conservatorio Municipal de Música do Concello de Culleredo despediu o curso 2012/2013 cun concerto especial celebrado no Auditorio Gustav Mahler do centro. Nesta clausura da temporada participaron os coros e as orquestras de Grao Elemental e Grao Profesional do Conservatorio e a Big Band, que ofreceron ao público un repertorio cos diferentes rexistros que dominan.
O plan de dinamización comercial do goberno de Culleredo pasa pola mellora urbana dos focos de negocios e a organización de eventos que promovan as compras no municipio. A concelleira de Promoción Económica, Marta Iglesias, e o edil de Dinamización Local, Juan Carlos Lovelle, expuxeron á Mesa de Comercio as accións inmediatas que prepara o Concello.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER