O Concello de Culleredo acometeu a mellora do firme nunha das rúas máis céntricas do núcleo urbano do Burgo. Trátase da rúa Templarios, situada a escasos metros da ponte romana da ría.
O Concello de Culleredo imparte desde o sábado unha formación aos aspirantes a voluntarios de Protección Civil de diferentes agrupacións da provincia. A Axencia Galega de Seguridade demostra a confianza na labor dos efectivos municipais cullerdenses.
O goberno de Culleredo lanza un programa de actividades sociais ampliado e co claro obxectivo de atender os ámbitos máis sensibles para os veciños de todas as idades do municipio. A oferta reúne un total de 32 propostas con diferentes grupos e horarios en centros sociais da zona urbana e tamén do rural.
O Club de Natación Albatros, co que colabora o Concello de Culleredo, prepara a campaña de natación para a nova tempada. Os cursos comezarán o 30 de setembro, prolongándose até o 13 de xuño de 2014.
O corte na Nacional 550, entre O Portádego e A Coruña, por motivo das obras no abastecemento que executa Emalcsa derivou unha importante carga de tráfico á AC-211. O Concello recomenda o uso da AP-9 e da Terceira Rolda para dirixirse á cidade.
O Concello de Culleredo recibe o venres 6 a exposición de pintura dos artistas Manuel Ayaso e Alfonso Costa. Poderase ver desde ese día ata o 5 de outubro no Xardín Botánico do Burgo.
A Nacional 550, desde O Portádego ata A Coruña, permanecerá cortada en parte ao tráfico desde o luns 2 de setembro ata o 15 do mesmo mes. O motivo consiste na execución das obras de mellora do abastecemento á cidade da Coruña e á área metropolitana que leva a cabo Emalcsa.
O Concello de Culleredo celebrou esta fin de semana a conclusión de tradicionais e novas competicións de fútbol. O Sporting Burgo venceu nos trofeos de Veteranos e Afeccionados, mentres que O Portazgo SD gañou a primeira edición do torneo de fútbol-8 alevín
O Concello de Culleredo potenciará a práctica de patinaxe artística entre os veciños. O venres finalizou a primeira edición do campus de patinaxe, organizada polo recentemente creado Club Aura e o Concello.
Os campamentos urbanos de verán do Concello de Culleredo alcanzaron o seu punto final tras máis de dous meses de actividades en diferentes quendas cunha participación de 300 pequenos. Unha festa con inchables e aperitivos no colexio Sofía Casanova de Vilaboa serviu para celebrar a súa conclusión.
O Concello de Culleredo acorda coa empresa adxudicataria das obras de ampliación da pista do aeroporto de Alvedro unha serie de medidas para respectar ao máximo as festas veciñais da parroquia, que terán lugar entre o sábado 31 e o luns 2 próximos.
O goberno de Culleredo incluíu ás Bibliotecas Municipais entre as opcións de actividades de verán de que dispuxeron os veciños. A sala infantil da Biblioteca do Burgo levou a cabo un programa de talleres que rematou onte.
O Concello de Culleredo celebra este xoves 29 o pleno ordinario no que o principal asunto versará sobre o Plan Xeral de Ordenación Municipal, aprobado de forma inicial en xaneiro. Tras rematar a exposición pública, o equipo redactor detectou diferentes erros que considera preciso corrixir canto antes.
O Concello de Culleredo acometeu a remodelación da rúa Xafontes, de Vilaboa. O plan de melloras na rede viaria confeccionado polo goberno municipal incluíu esta rúa dada a necesidade de renovar a calzada, deteriorada co paso do tempo.
O goberno de Culleredo iniciará esta semana, unha vez ultimado o contrato coa empresa adxudicataria, os traballos da mellora das rúas peonís do Burgo, Sanjurjo de Carricarte e Hersa. Os traballos consistirán en retirar as laxas en mal estado para substituílas por outras: serán uns 120 metros cadrados. O investimento neste apartado ascende a 25.000 euros.
Mellorar as vías municipais e limpar as fincas próximas a vivendas que se atopan en mal estado e cuxos propietarios non atenderon os requirimentos realizados desde o Concello son as dúas actuacións que forman parte dos traballos que está a levar a cabo o goberno local dentro da campaña anual de rozas.
Peiro de Abaixo -Esfarrapa, Cabana e Lamelas- celebrará os días 24, 25 e 26 as súas festas con música todos os días e cunha Sariñada, o día 24, dende as sete de tarde, para rematar cunha gran pulpada, o luns día 26 dende ás sete da tarde.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER