A área municipal de Cooperación e Voluntariado lanzou unha campaña de recollida de xoguetes con obxecto de achegar as festas do Nadal a todos os nenos do municipio. Estará aberta ata o venres 20 de decembro. Os xoguetes poden depositarse nas caixas habilitadas nos centros escolares e dependencias municipais.

O goberno de Culleredo centra o Plan de Obras na mellora das infraestruturas viarias en núcleos urbanos do municipio. A proposta aprobada polo pleno da corporación consta de 502.240,17 euros, dos que o equipo de goberno reserva o 85% para investimentos.

O Concello de Culleredo conmemorou o Día Internacional contra a Violencia de Xénero mediante concursos de 'tweets' e de cuñas de radio, formas elixidas pola Concellaría de Muller para levar a cabo este ano a sensibilización e que acadaron a participación masiva de alumnos do IES Blanco Amor.

Culleredo participará o sábado, 23 de novembro, na II Andaina contra a Violencia de Xénero que organiza o Consorcio As Mariñas no paseo fluvial de Arteixo a partir das 10.30 horas. O Concello disporá autobuses para o transporte se existe demanda.

Con só 12 anos de idade, a pequena Noelia Bacariza xa conta no seu haber con 6 campionatos galegos en ximnasia artística. Con motivo da súa recente vitoria, a deportista foi recibida polo alcalde, Julio Sacristán, nun acto celebrado para recoñecer os seus meritorios resultados.

O Concello continúa co seu plan de mellora das infraestruturas básicas do municipio. Neste caso, o goberno local acaba de finalizar traballos para modernizar a rede de abastecemento e a pavimentación no Cubo, parroquia de Culleredo.
 

O Xardín Botánico do Burgo aumenta as prestacións aos usuarios. A elevada actividade cultural e educativa que acolle a instalación, que alberga ademais a aula de Natureza "Juan Lembeye", levou ao goberno de Culleredo a tomar a decisión de crear un aparcadoiro específico para a dependencia.

O Concello de Culleredo celebra o sábado 9 de novembro, a tradicional Mostra de Corais, que reúne cada ano a agrupacións procedentes de diferentes partes de Galicia. O certame alcanza a súa edición VIII.

A Casa do Concello de Culleredo acolle o xoves 7 de novembro a charla informativa que promove a Deputación da Coruña co fin de explicar os programas de subvencións provinciais para o  ano 2014. O encontro levará a cabo no salón de plenos de 20.00 a 22.00 horas.