O Concello de Culleredo, a través da Concellaría de Sanidade, prosegue co seu plan municipal de loita contra as adiccións. Nesta ocasión, o goberno municipal organiza un Curso de Mediadores Xuvenís en condutas adictivas.
Os veciños de Culleredo dispoñen desde as pasadas semanas dun novo servizo para o depósito de aceite de cociña usado, un dos residuos máis contaminantes e á vez máis habituais en calquera vivenda. O goberno municipal elixiu as zonas máis concorridas do municipio para a colocación dos colectores.
O goberno de Culleredo quere apostar de forma decidida por reforzar os servizos de seguridade cidadá no municipio. E o plan do Concello inclúe para este ano unha notable mellora dos equipamentos, con obxecto de potenciar o "Culleredo seguro", lema que locen desde hai semanas os vehículos da Policía Local cullerdense.
O Concello de Culleredo acaba de aprobar varias modificacións nas súas ordenanzas fiscais, coa finalidade principal de facilitar as tramitacións urbanísticas aos veciños. No pasado pleno, o goberno municipal impulsou unha importante redución na inspección técnica de edificacións.
Ante o temporal, con alerta laranxa decretada, que se prevé para o venres 7 de febreiro, o Concello de Culleredo, tomará diferentes medidas para evitar riscos na poboación. Suspéndense actividades ao aire libre e pecharase o acceso a parques, carril bici ou pista de skate.
A Concellaría de Sanidade organiza, xunto coa Asociación de usuarios de bancos, caixas e seguros (ADICAE), un taller de servizos bancarios básicos para receptores de prestacións sociais. Terá lugar o xoves 6 de febreiro, no Pazo de Vila Melania de Vilaboa, ás 19.00 horas.
O goberno de Culleredo comeza as reunións cos veciños afectados polo Plan de Illamento Acústico do aeroporto de Alvedro, que están a recibir as cartas informativas por parte de AENA. Os encontros van dirixidos aos propietarios de vivendas unifamiliares e aos presidentes e vicepresidentes de comunidades de veciños, se se trata de edificios.
Ante o temporal que se prevé para mañá, martes 4 de febreiro, o Concello de Culleredo, anuncia a suspensión das actividades ao aire libre nos campos de fútbol do municipio. Ademais non se poderán realizar actividades nas polideportivas descubertas do municipio.
O Concello creará un novo rexistro no Burgo, que se sumará ao xa existente na casa consistorial, para facilitar as xestións das parroquias máis poboadas do municipio. O rexistro auxiliar do Burgo instalarase no Edificio de Servizos Múltiples. O seu horario será de luns a venres, de 9.00 a 14.00 horas, a partir do 1 de marzo vindeiro.
Os nenos revolucionaron a casa consistorial de Culleredo. O Concello abriu as súas portas aos escolares, na actividade denominada “A Constitución e a administración local”, organizada pola Concellería de Educación, para achegar a administración de forma didáctica aos rapaces.
O Concello de Culleredo inicia por primeira vez un programa de educación na convivencia. Abordará as habilidades sociais básicas, poñendo énfase nos aspectos que máis requiren unha formación, de acordo cos docentes. Participarán 569 alumnos dos colexios Ría do Burgo, Sofía Casanova, Tarrío, Ponte Pasaxe e o IES Eduardo Blanco Amor.
O Concello deseñou un amplo plan de arranxo de beirarrúas, centrado nos núcleos urbanos do municipio, que son os que contan con maior número de beirarrúas. As actuacións, desenvolvidas desde o pasado mes de outubro, complétanse agora co arranxo das beirarrúas na contorna da praza da Sagrada Familia, en Vilaboa.
O Concello de Culleredo inaugurou a exposición "Moncho Valcarce. Unha vida de compromiso con Galicia", un dos actos de homenaxe ao que foro cura de Sésamo e Sueiro e concelleiro cullerdense. A mostra recorre a vida de Valcarce mediante diferentes paneis.
O Concello de Culleredo inicia un novo servizo administrativo para facilitar os trámites ao cidadán. Agora, o propio Concello pode xestionar ante a Dirección Xeral de Tráfico os cambios de domicilio relativos a vehículos pertencentes a empadroados no municipio.
O Concello de Culleredo comeza esta semana os actos de homenaxe a Moncho Valcarce, destacada personalidade no municipio polo seu papel veciñal e cultural. Esta homenaxe realízase conmemorando os 20 anos do seu falecemento, en conxunto coa Irmandade Moncho Valcarce.
O alcalde de Culleredo, Julio Sacristán, mantivo unha reunión cos responsables da concesionaria do transporte metropolitano con obxecto de pedir variacións ante a reordenación dos servizos. O Concello e a empresa alcanzaron un principio de acordo para adiantar o inicio dos transportes, restablecer o dos mediodías, ampliar os dos sábados e garantir o regreso de todos os cidadáns desde A Coruña ás últimas horas do día.
Os cambios no servizo de transporte metropolitano de Culleredo, aprobados pola Xunta de Galicia, non convencen completamente ao Concello. Aínda que si se logran melloras nalgunhas zonas, os novos horarios autorizados a petición das concesionarias dos servizos empeoran a mobilidade de moitos veciños e non dan solución a algunhas das cuestións solicitadas polo goberno municipal.
O Concello mellora as prestacións da avenida de Juan Carlos I, unha das rúas con maior tránsito do municipio. O goberno local, que vén de repoñer as bandas rugosas e de colocar un novo espello no cruce con Anxo Senra, anuncia a reparación do asfalto da vía.
O Concello de Culleredo abre este domingo, 12 de xaneiro, a tempada anual do feirón de Acea de Ama, cita xa tradicional na comarca que reúne por centos de persoas o segundo domingo de cada mes. O evento celébrase en horario de 10.00 a 15.00 horas na rúa Vicente Risco.
O Concello de Culleredo completou a reforma da rúa Estreita de Vilaboa, situada ao final do núcleo e que dá servizo a un importante conxunto de vivendas de carácter unifamiliar. Agora, a rúa presenta un aspecto renovado e con prestacións melloradas.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER