AXUDA A DOMICILIO

O servizo de Axuda a Domicilio consiste na prestación dunha serie de atencións básicas a aquelas persoas e aos seus familiares no seo do seu domicilio cando se atopan en situacións nas que as súas capacidades físicas ou mentais están minguadas

XANTA NA CASA

Entrega do xantar a domicilio ás persoas que teñen dificultades para prepararse a súa propia comida, asegurando deste xeito unha alimentación sá e equilibrada.

PRÉSTAMO DE AXUDAS TÉCNICAS

Ofrece ás persoas con dificultades na autonomía persoal instrumentos que poidan necesitar para desenvolverse de xeito máis independente nas actividades da vida diaria: guindastre para traslados á bañeira, mesa ergonómica para comer, cadeira de rodas, andador... facilitando ás familias coidadoras as tarefas cotiás

Permite que as persoas dependentes ante situacións de emerxencia, con só premer un botón que levan enriba de xeito permanente, contactar telefonicamente durante as 24 horas cunha central de alarmas, atendida por persoal preparado para dar resposta axeitada á crise presentada.

SERVIZO DE VALORACIÓN E ORIENTACIÓN Á PERSOAS CON DISCAPACIDADE
(SVOMD)

Servizo especializado na valoración, orientación e intervención picosocial dirixido exclusivamente ás persoas do Concello de Culleredo con calquera tipo de discapacidade, coa finalidade de darlle resposta á súa demanda sobre dereitos, prestacións, axudas ou canalización das súas inquedanzas cara a consecución dos máis altos niveis de vida independente. 

Atendido por unha mediadora social e psicopedagoga, mediante entrevistas individuais e visitas domiciliarias nos casos de dificultade de mobilidade ou necesidade de valoración da accesibilidade do contorno da persoa atendida.