O Clube de Chave O Xismo resultou vencedor do Torneo de Chave que organizou o sábado o Concello de Culleredo, e que alcanzou este ano a súa XXXII edición, baixo a dirección técnica do Clube de Boedo, onde tivo lugar a cita.
O goberno municipal de Culleredo, a Garda Civil e a Policía Local mantiveron un encontro para reforzar a colaboración en materia de seguridade. O Concello considera fundamental, tanto para a prevención, como para o esclarecemento dos delitos, a coordinación dos Corpos e Forzas de Seguridade. Para iso celebraranse reunións semanais entre os responsables da Garda Civil e da Policía Local.
O Concello de Culleredo celebra o domingo 9 de xuño o seu Festival municipal de Ximnasia Rítmica, que alcanza este ano a súa XVIII edición. Terá lugar a partir das 11.00 horas no polideportivo municipal do Burgo. A Concellería de Deportes estima que a participación no festival será de 70 ximnastas.
O Concello de Culleredo reunirá este sábado, 8 de xuño, a 100 participantes no Torneo de Chave que alcanza a súa XXXII edición. Terá lugar no campo de Boedo a partir das 17.30 horas. A dirección técnica corre a cargo do Club de Chave Boedo e a “Irmandade de Chave”. Participan un total de 10 agrupacións.
O XIV Campionato de Tute que organiza o Concello de Culleredo celebrou o pasado venres a xornada quinta da súa fase final. Este venres, 7 de xuño, terá lugar a xornada sexta no centro social Torre de Celas, a partir das 21.00 horas. A continuación pódese descargar os resultados e calendario.
O goberno de Culleredo, a través da colaboración coa asociación AEAL, inicia un programa complementario aos servizos que proporciona o sistema galego de saúde con obxecto de ofrecer o apoio psicolóxico que poden necesitar as persoas con cancro e a súa contorna. O taller comezou esta semana e desenvólvese todos os martes e xoves, ás 8 da tarde, no Centro de Servizos Sociais de Vilaboa (xunto á parada de taxis).
O goberno de Culleredo impulsará o papel da agrupación de voluntarios de Protección Civil para contribuír á seguridade do municipio. Os voluntarios contarán a diario cun cadro de tarefas que consistirán en apoiar aos funcionarios do corpo en todo momento, cun retén continuo, e con labores como a supervisión das zonas máis concorridas do municipio. O Concello dotaralles en breve con catro bicicletas equipadas con todo o necesario para primeiros auxilios.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER