O artista Carlos Ares logrou onte sábado pola noite un cheo no auditorio do Conservatorio Municipal de Música de Culleredo. O músico ofreceu un concerto, moi especial por tratarse do lugar onde creceu na súa formación. Así o lembrou Ares no inicio do recital. que estivo acompañado para a escenografía por compoñentes da compañía de teatro El Ruiseñor, de Culleredo.
A Tarriomería, evento organizado pola ANPA e CEIP coa colaboración do Concello de Culleredo, reuniu onte sábado 25 a centos de pais, alumnos, ex alumnos, veciños e amigos do centro. Desde as 10.30 e ata as 20.00 horas, as instalacións do colexio acolleron exhibicións de patinaxe, karate, aerobic, judo, ou ballet; inchables; talleres; actuacións musicais; comida de confraternización; contacontos; xogos de familia; e baile e karaoke.
O Concello de Culleredo informa de que o próximo martes 28 de maio farase o sorteo público para designar as prazas dos campamentos deportivos organizados pola Deputación de A Coruña. O sorteo celebrarase no Edificio de Servicios Múltiples ás 12.00 horas.
O XIV Campionato de Tute que organiza o Concello de Culleredo celebrou o pasado venres a xornada terceira da súa fase final. Este venres, 24 de maio, terá lugar a xornada carta no centro social Torre de Celas, a partir das 21.00 horas. A continuación pódese descargar os resultados e calendario.
Un total de 150 escolares de 5º curso de Educación Primaria participan nun programa didáctico que impulsa o goberno de Culleredo para dar a coñocer os elementos patrimoniais máis fermosos do municipio aos pequenos. O colexio de Tarrío, o Ría do Burgo e o Díaz Pardo toman parte no programa que achega aos nenos á torre de Celas, pazo de Vilaboa, igrexa do Burgo e ponte sobre a ría.
O goberno de Culleredo celebrará hoxe mércores 22 de maio unha reunión cos veciños das inmediacións do Monte Costa para informarlles do inminente inicio das voaduras para o desmonte. O alcalde convoca o encontro de forma urxente unha vez que recibiu información das condicións da actuación por parte da empresa. O goberno de Culleredo manterá unha actitude vixiante para comprobar que se garanten todas as condicións de seguridade para os cidadáns.
O goberno de Culleredo leva a cabo obras na ligazón entre as parroquias de Sésamo e Sueiro por Os Condes. O proxecto consiste tanto na dotación do servizo de saneamento como na renovación do firme da estrada, dúas necesidades que presentaba o núcleo e que por tanto o goberno de Culleredo apostou por aplacar.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER