O Concello de Culleredo celebrou o Día Mundial da Auga centrando a atención sobre a importancia da auga doce e de avogar por unha Xestión Sustentable dos recursos hídricos. A Concellaría de Educación organizou o “I Concurso cartel-slogan :consumo responsable da auga" entre a poboación escolar. do que foi gañador  Diego Núñez Pereiro de 6º de Primaria do CEIP Sofía Casanova. A aula gañadora que foi a de 6º B.

A Coral e o Grupo instrumental municipal de Culleredo actuaron no Salón de actos do Conservatorio, para o alumnado de 1º e 2º de Educación Primaria dos colexios Díaz Pardo, Ría do Burgo, Sofía Casanova e Tarrío na V edición do Concerto Didáctico de Primavera. Interpretaron diversas pezas tradicionais galegas e mesmo invitaron aos nenos a colaborar con eles.

A Concellaría de Educación de Culleredo puxo en marcha unha nova edición da actividade de educación viaria denominada  “Videoforum de seguridade viaria". Participaron na mesma 117 alumnos e alumnasde 4º da ESO do IES Blanco Amor. Coa actividade, realizada nas aulas hoxe 6 de marzo, o Concello fomenta a concienciación para adoitar boas actitudes nas rúas dos mozos cullerdenses.

A Concellaría de Educación de Culleredo iniciou un programa de visitas á  sede da Policía Local de Culleredo (situada en Vila Lucinda). Comezou a programación a visita dos alumnos de 6º de Primaria  do colexio Ría do Burgo,  quen puideron soprar nun alcoholímetro, comprobar como funciona o sistema de localización das patrullas a través do GPS ou subirse a un todoterreo e unha patrulla móbil.

Os nenos revolucionaron a casa consistorial de Culleredo. O Concello abriu as súas portas aos escolares, na actividade denominada “A Constitución e a administración local”, organizada pola Concellería de Educación, para achegar a administración de forma didáctica aos rapaces. En total, o número de participantes será de 266 alumnas e alumnos de 4º de E.P., que acoden acompañados dos seus titores, cos colexios CPR Plurilingüe Andaina, CEIP Sofía Casanova, CEIP Plurilingüe Tarrío, CEIP Ría do Burgo e CEIP Díaz Pardo.

O Concello de Culleredo informa de que o vindeiro día 14 de xaneiro comezan as clases do programa “Ponte a Punto”. Quedan aínda prazas vacantes para aquelas persoas que queiran apuntarse, segundo figura na información que se adxunta.

Un total de 188 rapaces de 6º de Primaria dos colexios Ría do Burgo, Sofía Casanova, Tarrío e Sofía Casanova participaron no pleno infantil do Concello de Culleredo. Os representantes de cada clase de cada colexio conformaron a corporación infantil, sentándose nos lugares que habitualmente ocupan os grupos políticos. A alcaldesa infantil, Salma Santiso, dirixiu a sesión asesorada por Julio Sacristán e a concelleira de Educación, Carmen Varela.

A Concellaría de Educación pon en marcha unha nova edición da actividade de prevención de accidentes na rúa para o alumnado de Educación infantil de 5 anos. Trátase dos "Contacontos... con seguridade". Participarán na mesma 288 alumnos e alumnas dos colexios: CRA Culleredo, CEIP Plurilingüe Tarrío, CEIP Sofía Casanova, CEIP Díaz Pardo e CPR A Ponte Pasaxe.

O Concello de Culleredo oferta un obradoiro de lingua de signos de nivel básico. Desenvolverase no edificio de Servizos Múltiples do Burgo do 10 ao 21 de decembro , entre as 19:30 e as 21:30 horas. Os interesados poden formalizar a súa inscrición no departamento municipal de Educación, sito na planta -1 do Conservatorio ou no 981 661 208.

A mascota das bibliotecas de Culleredo, a Dragona Ramona, desenvolverá este mes de novembro a súa primeira xira polos colexios cullerdenses. Serán en total 910 os escolares, que cursan Educación Infantil, que reciban a visita para promover a adquisición de hábitos de lectura entre os nenos cullerdenses.