O servizo de Protección Civil do Concello de Culleredo sitúase á cabeza de Galicia en canto a súa dotación de parque móbil. Os efectivos presentaron un novo camión de emerxencias que facilitará un servizo rápido de primeira intervención para os veciños do municipio.

A extensa rede de parques infantís de Culleredo será un dos principais focos de actuación do Concello nas próximas semanas, dando resposta ás necesidades das familias de dispor de zonas de xogos nas mellores condicións. O investimento municipal superará os 350.000 euros para modernizar ata 9 parques.

O clube +65 do Concello de Culleredo emprenderá este mes unha nova viaxe dentro do seu plan de dinamización comunitaria. Nesta ocasión, e continuando co obxectivo de coñecer as paraxes naturais, os maiores desplazaranse a Corcubión e Cee, dúas localidades da Costa da Morte con gran potenciar ambiental.

Culleredo homenaxeou ás mulleres deportistas do municipio con motivo da celebración do Día da Muller de 2015. Deportistas e clubs con seccións femininas participaron no acto organizado polo Concello e que se desenvolveu no salón de actos do Conservatorio municipal.

O alcalde de Culleredo, Julio Sacristán, aproveitou a presenza da conselleira de Infraestruturas, Éthel Vázquez, no Burgo, para pedirlle a remodelación da AC-213, vía autonómica que conecta O Burgo con Almeiras, proseguindo despois cara ao municipio de Cambre. O rexedor formulou esta reclamación dado o actual estado deteriorado que presenta a estrada.

O alcalde de Culleredo anuncia que o Concello asumirá o servizo de axuda no fogar dos veciños dependentes que non son atendidos pola Xunta. A administración autonómica xa avanzou que en 2015 a súa axuda baixará á metade.

O Concello acaba de coñecer a liquidación do exercicio económico de 2014. Sáldase cun superávit de 1.621.780,09 euros e un remanente positivo de 4.083.645,06 euros, o que constata a boa saúde das arcas municipais. Sacristán e Rioboo deciden ante estes resultados lanzar novos investimentos para responder a necesidades veciñais.

O Concello de Culleredo xa ten en marcha as obras de urbanización da parcela que acollerá un novo colexio de educación infantil e primaria. Sitúase na avenida de Rutis, entre Vilaboa e O Burgo, e o proxecto ten como obxectivo dotar ao terreo dos servizos necesarios para a construción do centro de ensino.

O Concello de Culleredo organiza unha festa especial de disfraces para este Entroido pensada para maiores de 65. Terá lugar o próximo día 13 de febreiro no Centro Social O Noso Lar, en Tarrío, ás 5 da tarde. E o 4 e 5 de marzo, unha escapada ao SPA de Monçao.