O Concello de Culleredo acometerá unha dos principais investimentos en parques en dous dos espazos máis concorridos do municipio. Trátase da ampliación do parque infantil do paseo marítimo do Burgo, na contorna das pistas deportivas, e da ampliación do situado no parque da Torre de Celas.
O Burgo prepárase para acoller o venres, 18 de xullo, a súa propia Noite Branca, iniciativa do Concello de Culleredo e da Asociación de Comerciantes de Culleredo para incentivar a chegada de clientes ao comercio local. Un amplo programa de actividades e animación dinamizará as compras nos negocios, que ofrecerán os seus descontos ao público.
Culleredo e a rexión italiana de Calabria presentaron en rolda de prensa os resultados do proxecto conxunto "Schoolab" desenvolvido desde 2013 co obxectivo común de combater o absentismo escolar. Técnicos de España e Italia reuníronse en Vila Melania para analizar os resultados logrados do traballo de dous anos.
Os hortos urbanos de Culleredo tamén explotan unha colleita solidaria. Os participantes no proxecto municipal recentemente estreado no xardín botánico do Burgo, realizaron a súa primeira doazón de produtos de cultivo de horticultura ecolóxica ao Fondo Municipal de Alimentos de Culleredo.
O Concello de Culleredo deu a coñecer no pleno de organización celebrado hoxe a composición do equipo de goberno. O goberno local estará estruturado en oito grandes áreas, cun responsable político á fronte, coa atención ao veciño de forma transversal.
O Concello de Culleredo presentou a acta de arqueo no pleno de constitución da Corporación, de acordo co Real Decreto 2568/1986. Do arqueo se desprende que o Concello de Culleredo conta con 8.820.235,69 euros en total nas súas contas bancarias.
O Concello de Culleredo celebrou no mediodía do sábado a sesión constitutiva da corporación, tras as eleccións municipais do pasado 24 de maio. O candidato do PSdeG - PSOE, Julio Sacristán, como forza máis votada nos comicios, foi elixido alcalde de Culleredo.
No seu traballo de apoio á educación, o Concello de Culleredo lanza un programa formativo para os adultos, especialmente os mozos, que abandonaron os estudos sen finalizar secundaria. Trátase do programa SuperaT, que terá lugar durante o verán.
Baixo a premisa de que é importante que os escolares coñezan as orixes e os recursos do municipio no que viven, o Concello organiza rutas didácticas para descubrir a historia e a natureza de Culleredo. Son uns 700 escolares os que participan.
O Concello acaba de recibir da Xunta os datos de matrícula nas tres escolas infantís do municipio: son 251 pequenos os que quedan en lista de agarda. O goberno local defenderá a apertura dunha cuarta escola.
ALMA, Apoio á Lactación Materna celebrou o sábado a súa I Xornada sobre Alimentación Infantil, que se impartiu no Pazo de Vila Melania en Culleredo, coa colaboración do Concello, logrando un cheo total.
O Concello de Culleredo prosegue coa súa colaboración con ADICAE, en prol dos dereitos dos consumidores. Nesta ocasión, o municipio cullerdense forma parte da campaña da entidade aproveitando a celebración do Día Europeo de Protección do Consumidor Financeiro. A actividade será o xoves, 4 de xuño, ás 19.00 horas no Pazo de Vila Melania (Vilaboa).
O Concello de Culleredo continúa co seu plan de viaxes para maiores no seu programa de dinamización comunitaria. Este ano teñen lugar en paraxes naturais. O vindeiro sábado 13 de xuño a excursión será a Vegadeo e Ribadeo, incluíndo unha visita á praia das Catedrais.
O Concello de Culleredo está moi sensibilizado coa problemática do absentismo escolar e por iso emprendeu o proxecto Schoolab en conxunto coa rexión italiana de Calabria. A delegación cullerdense desprazouse ata o país italiano para celebrar xornadas de traballo para desenvolver estratexias que freen o absentismo.
O Concello de Culleredo acaba de arrincar coa fase final do seu Campionato de Tute, que alcanza este curso o seu XVII edición. Trátase dunha competición moi arraigada en todas as parroquias cullerdenses, cunha participación anual de centos de persoas.
No mes de abril a Asociación Galega de Apicultura realiza parte do seu programa de formación apícola no Concello de Culleredo. Desde este venres 24 ao domingo 26 celebra un Curso de Iniciación á Apicultura no Xardín Botánico de O Burgo, onde o Concello conta cun apiario urbano.
Este fin de semana Culleredo albergará unha xornada de deporte solidario para colaborar na loita contra o cancro. Ás 18.00 horas do sábado, celebrarase no pavillón do colexio Ría do Burgo unha masterclass de Zumba a cargo da monitora Berta Paz á que poderán asistir persoas de todas as idades.
O parque infantil da Costa da Lonxa, no Burgo, un dos máis utilizados no municipio, xa loce a súa nova imaxe. O Concello de Culleredo completou os traballos de reforma e desde o pasado venres as familias aproveitaron o bo tempo para gozar do espazo.
Con moita ilusión acudiron á Aula de Natureza do Burgo os 26 participantes no proxecto de hortos urbanos do Concello de Culleredo. Era o seu primeiro día tras resultar afortunados no sorteo que concedeu as prazas no programa, cunha forte formación para que adquiran as competencias necesarias en horticultura.
Cooperativas de Guatemala e Galicia participan mañá xoves en Culleredo nun encontro para dar a coñecer estas iniciativas de economía social. Baixo o título ‘Coop é activas, procesos de autodesenvolvemento cooperativo’, a xornada desenvolverase no Pazo de Vila Melania (Vilaboa) a partir das 18.00 horas.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER