Actualidad
O Concello atende os dependentes que a Xunta deixa en lista de espera
A atención á dependencia constitúe un das áreas de intervención prioritarias para o Concello de Culleredo. Pioneiro na creación dos servizos sociais nos concellos nos anos 80, o Concello conta na actualidade cun servizo para os dependentes que atende a todos os veciños, incluídos aqueles que quedan na lista de espera da Xunta de Galicia.
Últimas prazas nos campamentos urbanos para mozos e mozas
O Concello de Culleredo finaliza mañá, xoves 16 de xuño, o prazo de inscrición nos campamentos urbanos específicos para mozos. En concreto, o campamento que queda algunha vacante é o destinado a rapaces de 12 e 13 anos de idade, que terá lugar nas dúas primeiras semanas de xullo.
O Concello de Culleredo, camiño da débeda cero en 2018
O Concello de Culleredo prevé amortizar en 2016 un importe de 1.472.162,44 euros, reducindo á metade a súa débeda bancaria, que pasaría a ser de 1.988.010,18 euros. Isto supón unha porcentaxe do 12%, é dicir, 99 puntos por baixo do endebedamento permitido legalmente.
O goberno local reserva 633.000 euros para modernizar 10 parques infantís este ano
As actuacións na rede de parques infantís serán as máis repetidas e cuantiosas no que queda de ano. O Concello de Culleredo, a través dos orzamentos municipais e de distintos plans de obras cofinanciados pola Deputación da Coruña, ten previsto investir nos parques infantís un total de 633.895,42 euros.
O Concello destina 248.000 euros para mellorar a rede de abastecemento de auga
O Concello de Culleredo acometerá este ano importantes actuacións para a mellora da rede de abastecemento de auga potable no municipio. A idea do goberno municipal é modernizar as instalacións para garantir o seu correcto funcionamento xa de maneira preventiva.
O Concello executará cinco proxectos de saneamento en 2016
O Concello de Culleredo executa cada ano numerosas obras na rede de saneamento, co principal obxectivo de seguir completando a rede na maior parte do municipio. En 2016, o Concello acometerá de entrada cinco proxectos neste servizo básico, respondendo a peticións trasladadas polos veciños de varias parroquias.
O club O Xismo gaña o XXXV Torneo de Chave
O veterano Torneo de Chave do Concello de Culleredo celebrouse este fin de semana, alcanzando a súa XXXV edición. O club O Xismo, de Celas, resultou o vencedor da competición na que participaron oito agrupacións.
Dous veciños de Orro vencen no XVIII Campionato de Tute
O Concello de Culleredo celebrou a pasada fin de semana a gran final do seu Campionato de Tute, que alcanzou este curso o seu XVIII edición. A cita celebrouse no Centro Social Ledoñés e congregou a numeroso público.
Dispositivo de seguridade pola V Carreira pola Ría do Burgo deste domingo
A mañá do domingo, 5 de xuño, reunirá centos de persoas na contorna do paseo marítimo con motivo da celebración da V Carreira pola Ría do Burgo. O Concello de Culleredo, organizador do evento, establece un dispositivo especial de seguridade con Policía Local, Protección Civil e voluntarios.
O Concello lanza unha viaxe dos maiores ao castro de Viladonga
Alcer saíu á rúa para animar a ser doante de órganos e tecidos
Con motivo do Día Nacional do Doante de Órganos e Tecidos, o 1 de xuño, Alcer Culleredo saíu á a rúa co seu programa "Bule con Alcer", coa colaboración do Concello de Culleredo. O obxectivo consistía en sensibilizar á poboación cullerdense da necesidade de facerse donadores.
Xornada informativa sobre o Alzheimer
A asociación de familiares de enfermos de Alzheimer da Coruña (AFACO), coa colaboración do Concello de Culleredo, organiza unha xornada informativa sobre a enfermidade. Será o xoves 2 de xuño ás 18.00 horas en Vila Melania (Vilaboa).
O Concello inicia hoxe o plan de roza e limpeza en 367 estradas municipais
O Concello de Culleredo comeza hoxe luns o seu plan de acondicionamento da rede viaria mediante a roza das estradas municipais de todas as parroquias. Trátase dunha campaña anual que se emprende habitualmente nesta época do ano, cando a herba creceu.
A proposta do Concello de incrementar a participación cidadá nos orzamentos foi rexeitada pola oposición
O Concello de Culleredo informa de que na sesión plenaria celebrada o pasado xoves quedou rexeitada a proposta do goberno local de modificar o regulamento de participación cidadá, que consistía en subir dun 10% a un 30% a porcentaxe de investimentos a decidir polos veciños. Os votos a favor do equipo de goberno non bastaron para lograr a maioría absoluta, dado que todos os partidos da oposición decidiron absterse.
O Concello aproveita o superavit logrado para programar novos investimentos
O superávit logrado polo Concello de Culleredo permitiu aprobar un plan para a amortización de máis crédito bancario e a programación de novos investimentos en resposta ás formulacións dos veciños. A modificación do orzamento, aprobada o pasado xoves en pleno, foi de 1,4 millóns de euros para incorporar novas partidas.
Culleredo acorda coa Xunta e os Concellos de Ferrol, Lugo, Vigo e Ourense un servizo conxunto de asistencia a vítimas de violencia de xénero
O municipios de Galicia que contan cunha instalación de asistencia ás vítimas de violencia de xénero, entre os que se atopa o Concello de Culleredo, referendaron hoxe un acordo coa Xunta de Galicia para establecer unha coordinación que mellore o servizo de atención á cidadanía.
Culleredo destina 214.000 euros ás redes de abastecemento e saneamento
O Concello de Culleredo licita dúas obras cun orzamento de 214.000 euros que veñen dar resposta a varias demandas veciñais en canto a servizos básicos como o saneamento e a rede de abastecemento.
O Concello apoiará ás entidades sociais para que opten a fondos europeos
Os fondos europeos Leader non se cinguen ao ámbito empresarial e á administración, tamén poden beneficiar a entidades sen ánimo de lucro. Con esta premisa, o Concello de Culleredo e o GDR Mariñas - Betanzos reuniron a representantes de asociacións sociais para darlles a coñecer as posibilidades que teñen para optar a esta convocatoria.
O Concello executará un proxecto de mellora do alumeado en Castelo
O Concello de Culleredo executará na parroquia de Castelo un novo proxecto de eficiencia enerxética. En concreto, a actuación perseguirá mellorar a iluminación pública da zona con centros de mando que permitirán un control sobre os acesos.
Nova formación en emerxencias sanitarias para os maiores
O Concello de Culleredo leva tamén a preparación ante emerxencias sanitarias aos maiores do municipio. O proxecto "As túas mans salvan vidas", da Concellaría de Benestar Social, non se cingue este ano aos escolares e chega aos participantes na actividade de ximnasia para maiores.
- « primeira
- ‹ anterior
- …
- 51
- 52
- 53
- 54
- 55
- 56
- 57
- 58
- 59
- …
- seguinte ›
- última »
Sede electrónica
Trámites en liña, taboleiro oficial, carpeta cidadá...
Canle Culleredo
Emisións en directo e material audiovisual.
Teléfonos de interese
- Casa do Concello981.677.777
- A Escada981.664.452
- C.F.Pablo Picasso981.664.204
- Centro de información ás mulleres (CIM)981.654.570
- Centro municipal asociativo981.652.122
- Conservatorio de Música981.667.798
- Edificio usos múltiples981.665.597
- Policia Local981.677.755
- Protección Civil981.651.879
- Servizos sociais de O Burgo981.654.570
- Servizos sociais de Vilaboa981.660.079
- Villa Melania981.650.077
Séguenos en Twitter
Tweets por @ConcCulleredo
