O Concello de Culleredo aposta pola creación dunha programación de actividades específica para os mozos do municipio. Nace así o "Outono Xove", que oferta unhas 240 prazas nos principais centros de interese dos veciños de 14 a 35 anos de idade para os meses de outubro a decembro.
O Concello recibiu na primera maña de prazo aberta nas actividades culturais e deportivas un total de 450 matrículas. O goberno local anuncia que ampliará as plazas das modalidades con demanda se é posible cadrar novos grupos cos horarios de ocupación de espazos.
O Concello de Culleredo acaba de concluír un importante plan de mellora no sistema de bombeos da rede municipal de saneamento, instalacións fundamentais para evitar verteduras á ría. O conxunto de actuacións levadas a cabo buscou a mellora da eficacia no seu funcionamento.
A Concellaría de Sanidade e ASEM desenvolven o I Ciclo Formativo Sociosanitario no municipio. Este mes terá lugar a segunda xornada deste ciclo, que versará sobre "As salas Snoezelen, un mundo para a estimulación multisensorial".
O ansiado centro de saúde do Portádego poderá ser unha realidade no primeiro trimestre de 2015. Así manifestouno hoxe a Xunta de Galicia na visita efectuada xunto á parcela cedida polo Concello de Culleredo para a construción da nova instalación médica.
A empresa encargada da mellora do abastecemento de auga iniciou o asfaltado de toda a avenida de Electo Carballo,cun firme moi deteriorado debido ás obras levadas a cabo nos últimos meses.Será o paso previo á renovación da vía que efectuará o Concello con obxecto de incrementar a seguridade viaria para os peóns.
O corte na Nacional 550, entre O Portádego e A Coruña, por motivo das obras no abastecemento finalizou tres días antes do previsto. O Concello manterá nos primeiros días un dispositivo especial de vixilancia da Policía Local para garantir que se recupere con normalidade o tránsito.
O Concello de Culleredo executa tarefas de saneamento e limpeza do río Trabe, no núcleo de Acea de Ama. Ante os avisos recibidos da presenza de roedores na contorna, o Concello deu orde inmediata á empresa encargada para que procedese á desratización.
O paseo marítimo do Burgo será escenario este venres, día 13, e o sábado 14, do festival-romaría que organiza a agrupación Catalmibre Tradicional, e o Concello de Culleredo. Unha proposta de música e de encontro entre amigos e familias nunha paraxe ideal.
O Concello de Culleredo conmemora esta semana o X Día Mundial do Linfoma cun programa de actos que desenvolve de forma conxunta coa Asociación Española de linfoma, mieloma e leucemia (AEAL).
O Concello de Culleredo recibiu a visita institucional do novo brigada xefe da área de Prevención de Delincuencia da Garda Civil de Culleredo, Jorge Longueira. Foi recibido polo alcalde en funcións, José Ramón Riobóo, quen lle expresou os mellores desexos na súa nova andaina.
O Concello de Culleredo inicia as obras de remodelación das rúas Hersa e Sanjurjo de Carricarte. O goberno local levará a cabo un plan especial de tráfico na zona habilitándose o acceso a residentes por Sanjurjo de Carricarte desde a avenida de Ribados.
O Concello de Culleredo acometeu a mellora do firme nunha das rúas máis céntricas do núcleo urbano do Burgo. Trátase da rúa Templarios, situada a escasos metros da ponte romana da ría.
O Concello de Culleredo imparte desde o sábado unha formación aos aspirantes a voluntarios de Protección Civil de diferentes agrupacións da provincia. A Axencia Galega de Seguridade demostra a confianza na labor dos efectivos municipais cullerdenses.
O goberno de Culleredo lanza un programa de actividades sociais ampliado e co claro obxectivo de atender os ámbitos máis sensibles para os veciños de todas as idades do municipio. A oferta reúne un total de 32 propostas con diferentes grupos e horarios en centros sociais da zona urbana e tamén do rural.
O Club de Natación Albatros, co que colabora o Concello de Culleredo, prepara a campaña de natación para a nova tempada. Os cursos comezarán o 30 de setembro, prolongándose até o 13 de xuño de 2014.
O corte na Nacional 550, entre O Portádego e A Coruña, por motivo das obras no abastecemento que executa Emalcsa derivou unha importante carga de tráfico á AC-211. O Concello recomenda o uso da AP-9 e da Terceira Rolda para dirixirse á cidade.
O Concello de Culleredo recibe o venres 6 a exposición de pintura dos artistas Manuel Ayaso e Alfonso Costa. Poderase ver desde ese día ata o 5 de outubro no Xardín Botánico do Burgo.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER