O cotexo de documentación e a obtención de determinados certificados non levarán o pago de ningunha taxa aos veciños de Culleredo. O goberno municipal elimina un total de 13 epígrafes da ordenanza fiscal número 6 para facilitar os trámites coa administración municipal por parte dos cidadáns.
O goberno de Culleredo abre as rúas Hersa e Sanjurjo de Carricarte á entrada de vehículos para impulsar a actividade comercial da zona. Ambas as rúas converteranse en semipeoniis en horario de 9.00 a 21.00 horas para habilitar unhas novas prazas de aparcadoiro exprés que permitan aos cidadáns a realización de compras nos negocios locais.
O goberno de Culleredo leva a cabo un ambicioso plan de mellora da seguridade viaria na zona urbana do municipio. As actuacións empréndense despois de efectuar unha profunda revisión do estado das rúas, que concluíu cun conxunto de reparacións necesarias xa en marcha.
O Concello de Culleredo lanza un ambicioso programa para a dinamización comercial do municipio con motivo das festas de Nadal. Obradoiros, festa, torneos de videoxogos, música e bailes serán algunhas das principais opcións nos núcleos urbanos dunha campaña que concluirá cunha festa tras a Cabalgata do 5 de xaneiro.
O Concello de Culleredo vai colaborar con Cruz Vermella realizando accións de difusión no seu ámbito co obxectivo de dar a coñecer o programa de acollemento familiar e incorporar novas familias voluntarias para recibir temporalmente a nenos que o necesitan.
Un neno de Culleredo, Daniel Romasanta da Silva, logra entrar no cadro de premiados do Certame de Pintura Rural Fertiberia, que este ano alcanzou a súa XVII edición. Das 37.000 obras recibidas por escolares de todo o país, a pintura de Daniel logrou o cuarto premio.
O goberno de Culleredo busca apoiar ás persoas en situación de desemprego, procedentes do sector da construción, nas súas tarefas de procura de traballo. O Concello impartiu esta pasada semana unha formación específica, para estas casuísticas, en prevención de riscos laborais.
O Nadal de Culleredo tamén practicará deporte. O Concello colabora con tres clubs do municipio para lanzar tres campamentos deportivos de balonmán, fútbol e patinaxe artística que se desenvolverán nas vacacións escolares.
O goberno de Culleredo abre a participación na tradicional cabalgata de Reis aos pequenos do municipio. O Concello busca 40 nenos para asumir o papel de 30 pastorcillos nas carrozas das súas Maxestades de Oriente e de 10 piratas no galeón.
O goberno de Culleredo dá un paso máis para apoiar ás familias sen recursos do municipio. O Concello crea o Fondo Municipal de Alimentos co obxecto de reforzar a distribución dos produtos ás familias máis vulnerables e con maior necesidade.
A iluminación de Nadal do Concello de Culleredo acenderase o venres, 6 de decembro. Ao redor de 80 elementos lumínicos darán cor ás rúas de todo o municipio, tanto na contorna urbana como no rural. A iluminación, de tecnoloxía LED, funcionará ata o próximo 6 de xaneiro en horario de 18.30 a 22.00 horas.
A maxia fará as delicias dos pequenos cullerdenses o xoves, 5 de decembro. O Circuíto Galego de Maxia, que alcanza este ano o seu VIII edición, chega ao Concello de Culleredo a través da función que ofrecerán o Mago Benxamín e o Mago Pabloás 19.30 horas.
O Concello de Culleredo comezou os traballos de remodelación do parque infantil de Tarrío. Trátase dunha das actuacións programadas polo goberno municipal para mellorar estas infraestruturas. En 2014, o Concello cubrirá os 5 parques máis empregados.
O Concello de Culleredo comeza este mes de decembro unha nova edición do Campionato de Tute, que congrega cada ano a ducias de veciños. A primeira fase desenvolverase ata o mes de marzo nas diferentes asociacións veciñais.
A área municipal de Cooperación e Voluntariado lanzou unha campaña de recollida de xoguetes con obxecto de achegar as festas do Nadal a todos os nenos do municipio. Estará aberta ata o venres 20 de decembro. Os xoguetes poden depositarse nas caixas habilitadas nos centros escolares e dependencias municipais.
A Concellaría de Sanidade e ASEM desenvolven o I Ciclo Formativo Sociosanitario. O venres pasado tivo lugar a cuarta xornada deste ciclo, que versou sobre os recursos TIC e as novas tecnoloxías adaptadas ás persoas con dependencia.
O goberno de Culleredo centra o Plan de Obras na mellora das infraestruturas viarias en núcleos urbanos do municipio. A proposta aprobada polo pleno da corporación consta de 502.240,17 euros, dos que o equipo de goberno reserva o 85% para investimentos.
Culleredo prepárase para a súa xornada máis solidaria. O Concello e varias ONG organizan este sábado, 30 de novembro, a Festa Solidaria, un evento cargado de actividades para persoas de todas as idades coas miras postas en colaborar coas entidades sen ánimo de lucro para o desenvolvemento do seu labor.
O Concello de Culleredo conmemorou o Día Internacional contra a Violencia de Xénero mediante concursos de 'tweets' e de cuñas de radio, formas elixidas pola Concellaría de Muller para levar a cabo este ano a sensibilización e que acadaron a participación masiva de alumnos do IES Blanco Amor.
Os veciños de Vilaboa xa gozan das prestacións do parque Sofía Casanova, reestreado este fin de semana tras as obras de remodelación acometidas polo Concello de Culleredo.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER