O Burgo prepárase para acoller o venres, 18 de xullo, a súa propia Noite Branca, unha iniciativa do Concello de Culleredo e da Asociación de Comerciantes de Culleredo para incentivar a chegada de clientes ao comercio local. O goberno municipal e os comerciantes pecharon un amplo programa da que promete ser unha gran noite de compras e de animación nas rúas.
O paseo marítimo do Burgo prepárase para acoller o sábado un dos eventos culturais máis arraigados en Culleredo. Trátase dos Encontros Folclóricos Ancoradoira, que alcanzan este ano a súa XXIV edición. Terán lugar o sábado, 19 de xullo, desde as 19.30 horas.
A chegada do bo tempo leva ao Concello de Culleredo a converter espazos públicos en escenarios de ximnasia ao aire libre. Trátase da iniciativa "Verán movidiño", que propón a Concellaría de Sanidade, tanto aos mozos como aos maiores, para promover o exercicio físico entre a cidadanía
Os requisitos impostos desde Autoestradas demoraron a contratación da remodelación do campo de fútbol de Rutis, para a que o Concello dedica 765.000 euros. Acometidos os axustes, prevese licitar a obra de forma inminente.
O Concello de Culleredo alertou á Xunta de Galicia dun grave problema de seguridade viaria na estrada autonómica AC-211, ao seu paso por Fonteculler e Acea de Ama.O goberno municipal iniciou xestións para solicitar que se non os arranxa a Xunta de urxencia, que autorice ao Concello a reparalos.
O polideportivo do Burgo acolle este domingo, 13 de xullo, un partido benéfico en favor de Iago, un neno con parálise cerebral. O partido enfrontará aos Veteranos do Deportivo co Ardebullo F.C. O Concello de Culleredo colabora coa organización do evento.
O ambiente clown chega a Vilaboa en paralelo ás súas festas patronais. O Concello de Culleredo e a comisión de festas organizan o Mercado Clown no pazo de Vila Melania, para ofrecer un espazo de diversión familiar que complemente aos festexos de Vilaboa. Estará instalado desde as 17.00 horas do venres 11 nos xardíns de Vila Melania.
O Concello de Culleredo organiza un obradoiro de fotografía dixital no verán. A iniciativa contará dunha modalidade en nivel de iniciación e doutra en nivel de perfecionamento, de cara a responder as necesidades dun rango maior de veciños. Os talleres terán lugar de 21 de xullo ao 4 de agosto no centro municipal de formación Pablo Picasso.
O salón de plenos do Concello de Culleredo foi o escenario do solemne acto de incorporación de 11 novos voluntarios a Protección Civil. Son 11 mozos veciños que deciden dedicar parte do seu tempo libre a colaborar coas forzas de seguridade no apoio e protección do cidadán.
Onde está o mago Antón? Esa é a pregunta que tratarán de responder os nenos e nenas participantes no espectáculo de maxia que o Concello de Culleredo organiza o vindeiro sábado, 12 de xullo, no Burgo.
O Concello de Culleredo abriu o prazo de inscrición para O programa Ponte a Punto de verán, que estará aberto ata cubrir as prazas. Este programa de reforzo e apoio educativo,ten como finalidade frear o fracaso e o abandono escolar.
O Concello de Culleredo logrou encher o aforo de todos os concertos do BurgoJazz. O festival, que alcanza este ano a súa XIV edición, celébrase desde o venres até hoxe no xardín botánico do Burgo.
Culleredo regresará desde hoxe, venres 4, e ata o domingo 6, á Idade Media. O Burgo lembrará o seu pasado templario co Mercado Medieval que encherá o paseo marítimo dunha infinidade de personaxes da época.
O festival BurgoJazz celébrase desde o venres 4 ao luns 7 de xullo chegando a súa XIV edición. A cita combina a promoción dos artistas galegos e da comarca do xénero con grupos de renome nacional.
O día 30 de xuño puxéronse en funcionamento de forma definitiva as novas liñas de bus, tanto o metropolitano como o de interese municipal, tras as negociacións efectuadas polo Concello de Culleredo coa Dirección Xeral de Mobilidade da Xunta de Galicia.
Protección Civil crece en Culleredo. O Concello logra a incorporación de 11 novos voluntarios á agrupación, un número moi superior ao que se produce de forma habitual cada ano. Acaban de superar o curso básico de iniciación ao servizo, concedido pola Axencia Galega de Seguridade ao Concello.
O Concello de Culleredo celebrou a clausura da tempada das actividades sociais municipais. Un total de 400 veciños participaron nas iniciativas, que abarcaron unha ampla variedade para adaptarse a todos os centros de interese.
O salón de actos do Edificio de Servizos Múltiples do Burgo estaba abarrotado na clausura do curso nas actividades culturais municipais. Os nenos e adultos participantes foron os protagonistas nun aforamento que superaba as 500 persoas.
Culleredo convértese este fin de semana no centro do futbol infantil da comarca. O XV Torneo Internacional de Fútbol 8 "Ponte Pasaxe" trae ao campo de fútbol do Burgo, desde o venres 27 e ata o domingo 29, a máis de 300 pequenos de 10 clubs de concellos como Culleredo, A Coruña, ou Cambre e de Portugal.
O goberno de Culleredo abre A Escada aos veciños alleos ao centro ocupacional para persoas con discapacidade intelectual situado no Burgo. O Concello propón este verán un conxunto de talleres que interrelacionarán a mozos con persoas con discapacidade intelectual.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER