Xa se poden recoller as invitacións para a obra "Misión sapiens"
O Concello de Culleredo informa de que xa se poden recoller no Edificio de Servizos Múltiples do Burgo as invitacións para a obra de teatro "Misión sapiens", que se representará o venres 24 de outubro, ás 20.30 horas, no Conservatorio Municipal de Música.
O Concello emprende un plan de melloras en Augas Mansas
O Concello de Culleredo emprende un importante plan de seguridade viaria e de mantemento viario na urbanización Augas Mansas, situada na Zapateira. O goberno local quere garantir así a seguridade na circulación do tráfico rodado e incrementar as comodidades para os veciños.
O Concello formará aos mozos na conducción en situacións adversas
O Concello de Culleredo dirixe esforzos en materia de educación viaria para os mozos do municipio. O curso de condución segura levarase a cabo en dúas edicións o fin de semana do 25 e 26 de outubro. As sesións impartiranse no espazo multiusos do paseo marítimo do Burgo, en horario de 9:00 a 18:00.
O Concello lanza actividades para mozos todos os venres do trimestre
O goberno municipal de Culleredo lanza un programa específico de actividades para os mozos. Desenvolveranse todos os venres deste trimestre, desde o 17 de outubro ata o 19 de decembro, no centro social de Fonteculler.
Acordo entre o Concello de Culleredo e a Escola de Turismo da Universidade da Coruña
O Concello acaba de asinar un convenio de colaboración coa Escola Universitaria de Turismo do Centro Español de Novas Profesións, adscrita á Universidade da Coruña.. O obxectivo do acordo consiste en que alumnos de Turismo poidan desenvolver as súas prácticas de estudo no departamento de Promoción Económica e Turismo do Concello.
O Concello oferta 100 prazas nos seus cursos de micoloxía
O goberno de Culleredo responde á gran afección polos cogomelos que existe agora no municipio e na comarca con dúas edicións do curso de micoloxía. Terán lugar a finais de outubro e principios de novembro. Preinscrición aberta ata o 7 de outubro.
Culleredo moderniza a frota de vehículos de benestar, medio ambiente e promoción económica
O Concello de Culleredo moderniza e incrementa a súa frota de vehículos para mellorar a prestación de distintos servizos municipais. O goberno municipal presentou 5 furgonetas e un turismo que reforzarán os servizos sociais, medio ambiente, promoción económica e os servizos xerais do Concello.
O Concello reparará de inmediato dúas pontes en Tierno Galván
O Concello de Culleredo procederá de forma inmediata á reparación de dúas das pontes do paseo Tierno Galván, no Burgo. Os servizos técnicos constaron que o paso do tempo foi deteriorando a madeira, polo que se ve necesaria unha actuación que mellore as infraestruturas
O Concello incorpora catro novos coches patrulla para a Policía Local
A Policía Local de Culleredo conta desde agora cun parque móbil máis grande e con mellores prestacións. O Concello presentou de forma oficial os catro novos coches patrulla, que xa os axentes utilizan no seu traballo de seguridade polo municipio.
A Escola de Nais e Pais do Concello de Culleredo, apoio á educación dos proxenitores
O Concello de Culleredo tamén apoia aos pais e nais no seu traballo educativo cos seus descendentes. O goberno local abre a inscrición na Escola de Nais e Pais, un proxecto que pretende servir de apoio aos participantes no desempeño do seu papel cos seus fillos.
O Concello lanza Aulas de Reforzo Escolar para os alumnos de Primaria e Secundaria
O Concello de Culleredo abre os centros educativos, tras a conclusión da actividade lectiva, para levar a cabo clases de apoio aos alumnos do municipio, en Primaria e Secundaria. O prazo de inscrición está aberto ata o 3 de outubro.
I Andaina Solidaria en Culleredo polos trastornos de personalidade
A asociación TP GALICIA organiza o 28 de setembro unha andaina solidaria en colaboración co Concello de Culleredo e CASTELO DEPORTE. A actividade ten dúas finalidades, dunha banda sensibilizar á poboación sobre os trastornos de personalidade e doutra recadar fondos para, entre outros obxectivos, que a entidade poida dar cobertura a un grupo de apoio de persoas con trastornos de personalidade e familiares en Culleredo e fomentar a investigación neste campo.
O Concello expón ao público as novas ordenanzas de ruído e inicio de obras e servizos
O Concello de Culleredo ten en exposición ao público dúas novas ordenanzas, aprobadas de forma inicial no pleno ordinario do mes de agosto. Os particulares interesados dispoñen de 30 días hábiles, desde a publicación do anuncio no BOP, para formular as reclamacións e suxestións que consideren oportunas.
Andaina de pacientes e familiares de Parkinson polo paseo do Burgo
O Concello de Culleredo prosegue con traballo, en materia sanitaria, co tecido asociativo. Nesta ocasión, e xunto coa Asociación de Parkinson, organiza unha marcha polo paseo marítimo do Burgo este venres, 19 de setembro.
Culleredo celebra o luns o XI Día Mundial do Linfoma
O Concello de Culleredo conmemora o luns, 15 de setembro, o XI Día Mundial do Linfoma, de forma conxunta coa Asociación Española de linfoma, mieloma e leucemia (AEAL). Unha mesa informativa no paseo marítimo e un coloquio con hematólogos do CHUAC compoñen os actos.
O Botánico abre a tempada de exposicións coa mostra de Lidia Carrión
O Concello de Culleredo inicia este venres, 12 de setembro, a súa actividade de exposicións culturais. Nesta ocasión, recibe a mostra de pintura “Os non retratos”, da pintora Lidia Carrión. Poderase ver ata o 11 de outubro no Xardín Botánico do Burgo.
O Concello mantén en setembro o programa de ximnasia ao aire libre
O bo tempo impulsa o programa "Verán movidiño" que organiza a Concellaría de Sanidade de Culleredo. Desde o inicio do verán, os veciños están a aproveitar os espazos verdes do municipio para a exercitarse ao aire libre.
O Concello lanza máis de 1.500 prazas en actividades culturais e deportivas
O goberno de Culleredo incrementa notablemente o seu programa de actividades culturais e deportivas. Máis de 1.500 prazas conforman a oferta do Concello, con aumento de grupos naquelas actividades que rexistran unha maior demanda.
O Concello lanza un programa de actividades de benestar con 34 grupos en diferentes ámbitos
Os servizos sociais constitúen a área prioritaria de actuación para o goberno municipal. Aínda que os servizos de asistencia e atención aos veciños son os que acaparan os maiores esforzos, as actividades sociais tamén supoñen importantes beneficios para todos os colectivos do municipio, e polo Concello presentou un amplo programa con 34 grupos.
O goberno local dedica 100.000 euros a mellorar as garderías e colexios de Culleredo
O novo curso escolar comezará con melloras efectuadas polo Concello de Culleredo en todas as gardarías, escolas unitarias e colexios do municipio. Trátase dun conxunto de traballos de acondicionamento trasladados polos directores dos centros e que o Concello acomete para incrementar as prestacións aos alumnos.
- « primeira
- ‹ anterior
- …
- 59
- 60
- 61
- 62
- 63
- 64
- 65
- 66
- 67
- …
- seguinte ›
- última »
Sede electrónica
Trámites en liña, taboleiro oficial, carpeta cidadá...
Canle Culleredo
Emisións en directo e material audiovisual.
Teléfonos de interese
- Casa do Concello981.677.777
- A Escada981.664.452
- C.F.Pablo Picasso981.664.204
- Centro de información ás mulleres (CIM)981.654.570
- Centro municipal asociativo981.652.122
- Conservatorio de Música981.667.798
- Edificio usos múltiples981.665.597
- Policia Local981.677.755
- Protección Civil981.651.879
- Servizos sociais de O Burgo981.654.570
- Servizos sociais de Vilaboa981.660.079
- Villa Melania981.650.077
Séguenos en Twitter
Tweets por @ConcCulleredo
