O Concello acaba de recibir da Xunta os datos de matrícula nas tres escolas infantís do municipio: son 251 pequenos os que quedan en lista de agarda. O goberno local defenderá a apertura dunha cuarta escola.

O Concello de Culleredo prosegue coa súa colaboración con ADICAE, en prol dos dereitos dos consumidores. Nesta ocasión, o municipio cullerdense forma parte da campaña da entidade aproveitando a celebración do Día Europeo de Protección do Consumidor Financeiro. A actividade será o xoves, 4 de xuño, ás 19.00 horas no Pazo de Vila Melania (Vilaboa).

O Concello de Culleredo está moi sensibilizado coa problemática do absentismo escolar e por iso emprendeu o proxecto Schoolab en conxunto coa rexión italiana de Calabria. A delegación cullerdense desprazouse ata o país italiano para celebrar xornadas de traballo para desenvolver estratexias que freen o absentismo.

No mes de abril a Asociación Galega de Apicultura realiza parte do seu programa de formación apícola no Concello de Culleredo. Desde este venres 24 ao domingo 26 celebra un Curso de Iniciación á Apicultura no Xardín Botánico de O Burgo, onde o Concello conta cun apiario urbano.

O parque infantil da Costa da Lonxa, no Burgo, un dos máis utilizados no municipio, xa loce a súa nova imaxe. O Concello de Culleredo completou os traballos de reforma e desde o pasado venres as familias aproveitaron o bo tempo para gozar do espazo.

Cooperativas de Guatemala e Galicia participan mañá xoves en Culleredo nun encontro para dar a coñecer estas iniciativas de economía social. Baixo o título ‘Coop é activas, procesos de autodesenvolvemento cooperativo’, a xornada desenvolverase no Pazo de Vila Melania (Vilaboa) a partir das 18.00 horas.

O Concello de Culleredo completou os traballos de reparación do pavimento na unión da rúa Hersa coa rúa Sanjurjo de Carricarte, no Burgo. Esta confluencia das dúas vías semipeonís danouse polo paso de vehículos pesados rompendo algunhas das baldosas neste punto.

Os veciños de Boedo xa gozan do novo centro social. Finalizados os traballos de instalación da casa, o Concello de Culleredo entregou aos residentes as chaves do local veciñal, situado na chaira xunto á ponte da AVE, onde leva a cabo a tradicional festa no verán.

O sábado 21 de marzo con motivo do Día da Abella, a Asociación Galega de Apicultura e Concello de Culleredo organizan unha campaña informativa e de sensibilización sobre a Vespa velutina nigritorax, unha especie de abella invasora. A charla leva por título "Stop Velutina" e terá lugar na  Aula de Natureza do Burgo de 10 a 14 horas.