O Concello de Culleredo comeza hoxe luns o seu plan de acondicionamento da rede viaria mediante a roza das estradas municipais de todas as parroquias. Trátase dunha campaña anual que se emprende habitualmente nesta época do ano, cando a herba creceu.
O Concello de Culleredo informa de que na sesión plenaria celebrada o pasado xoves quedou rexeitada a proposta do goberno local de modificar o regulamento de participación cidadá, que consistía en subir dun 10% a un 30% a porcentaxe de investimentos a decidir polos veciños. Os votos a favor do equipo de goberno non bastaron para lograr a maioría absoluta, dado que todos os partidos da oposición decidiron absterse.
O superávit logrado polo Concello de Culleredo permitiu aprobar un plan para a amortización de máis crédito bancario e a programación de novos investimentos en resposta ás formulacións dos veciños. A modificación do orzamento, aprobada o pasado xoves en pleno, foi de 1,4 millóns de euros para incorporar novas partidas.
O municipios de Galicia que contan cunha instalación de asistencia ás vítimas de violencia de xénero, entre os que se atopa o Concello de Culleredo, referendaron hoxe un acordo coa Xunta de Galicia para establecer unha coordinación que mellore o servizo de atención á cidadanía.
O Concello de Culleredo licita dúas obras cun orzamento de 214.000 euros que veñen dar resposta a varias demandas veciñais en canto a servizos básicos como o saneamento e a rede de abastecemento.
Os fondos europeos Leader non se cinguen ao ámbito empresarial e á administración, tamén poden beneficiar a entidades sen ánimo de lucro. Con esta premisa, o Concello de Culleredo e o GDR Mariñas - Betanzos reuniron a representantes de asociacións sociais para darlles a coñecer as posibilidades que teñen para optar a esta convocatoria.
O Concello de Culleredo executará na parroquia de Castelo un novo proxecto de eficiencia enerxética. En concreto, a actuación perseguirá mellorar a iluminación pública da zona con centros de mando que permitirán un control sobre os acesos.
O Concello de Culleredo leva tamén a preparación ante emerxencias sanitarias aos maiores do municipio. O proxecto "As túas mans salvan vidas", da Concellaría de Benestar Social, non se cingue este ano aos escolares e chega aos participantes na actividade de ximnasia para maiores.
A praza de Europa do Burgo será mañá, martes 17 de maio, o núcleo da celebración do Día dás Letras Galegas en Culleredo. O Concello organiza a Feira de Artesanía cun amplo programa de actos, que reunirá ao longo do día a veciños de todas as idades.
O Concello de Culleredo estrea novas actividades para os seus veciños novos. O goberno local lanza un taller de introdución á robótica e impresión 3D e outro de arranxo de bicicletas, tratando de ofrecer dúas modalidades innovadoras en canto a programación xuvenil.
Xa hai data para que os veciños gozar do novo auditorio do Burgo, no Edificio de Servizos Múltiples que o Concello de Culleredo remodelou. Será este venres 13 de maio e para a ocasión o goberno local, conmemorando a gran actividade de arte escénica que sempre tivo este edificio, elixiu un espectáculo de teatro infantil.
O Concello de Culleredo aposta pola ampliación das liñas de financiamento dos equipamentos para Protección Civil para contemplar tamén a dotación de bicicletas. Así trasladoullo o primeiro tenente de alcalde e responsable de Seguridade Cidadá, José Ramón Rioboo, ao xefe territorial de Emerxencias, Víctor Vázquez, na súa visita á sede cullerdense.
O Concello de Culleredo e a Xunta de Galicia acaban de asinar o convenio de colaboración para o mantemento do centro de acollida para a atención de mulleres vítimas de violencia de xénero, do que é titular o Concello. Co acordo, o Concello recibe a axuda autonómica para o funcionamento deste recurso social, en marcha desde 1991.
O Concello, coa intención de mellorar a instalación, acometerá a renovación da praza adxacente ao lavadoiro de Bo Home, en Almeiras, que na actualidade séguese a usar por veciños da zona.
O Concello de Culleredo prosegue co seu plan de actuacións de ampliación do servizo de saneamento no municipio. Nesta ocasión programou unha obra de instalación de colectores no centro de Tarrío, completando así a rede de recollida de fecais.
O Concello de Culleredo estrea novo sistema para potenciar a participación cidadá na vida municipal. O goberno local convocou ás asociacións que figuran no rexistro municipal para darlle a coñecer os detalles da nova estrutura coa previsión de iniciar o traballo este mesmo mes.
O Concello de Culleredo busca a implicación da Xunta de Galicia no mantemento do centro ocupacional A Escada, dedicado á atención de persoas con diversidade funcional. O primeiro tenente de alcalde, José Ramón Rioboo, trasladoulle a petición ao conselleiro de Política Social, José Manuel Rey.
O Concello de Culleredo continúa coa liña de mellorar a súa capacidade económica, cumprindo coas esixencias do Goberno de déficit para o 2015. Culleredo pecha o exercicio económico de 2015 en superávit e cun importante incremento do remanente de tesouraría. Así se desprende da liquidación orzamentaria que acaba de aprobar o goberno municipal.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER