Os mozos de Culleredo disporán desde esta semana dun novo plan de actividades específicas, lanzadas polo Concello. Serán os venres pola tarde nas instalacións do novo centro cívico de Fonteculler e consistirán en clases de Modern Dance, bailes latinos e zumba.
O Concello de Culleredo celebrou na noite de onte a primeira reunión do Consello Xeral de Participación Cidadá. É o máximo órgano de participación veciñal no sistema creado este mandato.
A Policía Local de Culleredo abriu as súas portas aos escolares do municipio. Alumnos de 6º de Educación Primaria dos colexios do municipio visitan a sede da Policía Local, en Fonteculler, para descubrir como traballan os axentes.
O Concello de Culleredo publica a programación infantil para o mes de novembro. Ofrécese unha ampla variedade de actividades de animación á lectura, obradoiros e contos. O novo centro cívico de Fonteculler xa acolle unha actividade de cociña.
Culleredo acolle este sábado, 29 de outubro, o I Trofeo de Patinaexe Artística do clube Aura. Reunirá a 125 patinadores, desde os 4 anos de idade, procedentes de diferentes puntos de Galicia, no polideportivo do CEIP Ría do Burgo.
O Concello de Culleredo dedica a celebración do Samaín aos seus mozos. A Festa do Samaín será este venres, 28 de outubro, en horario de 18.00 a 23.00 horas no novo Centro Cívico de Fonteculler, dirixida a mozos a partir dos 12 anos de idade.
O Concello de Culleredo acaba de comunicar á Xunta de Galicia o seu interese en adherirse ao programa de Vivendas Baleiras. É un paso máis que quere dar o goberno municipal para apoiar aos veciños con dificultades no acceso á vivenda.
O Concello de Culleredo obtén o premio á mellor entidade pública en materia de xestión deportiva. O galardón é concedido pola Asociación Galega de Xestores Deportivos (Agaxede) na edición VII dos seus Premios Galicia á Xestión Deportiva.
O Concello de Culleredo executará os 3,1 millóns de fondos europeos logrados para a súa estratexia de desenvolvemento urbano sustentable e integrado (EDUSI) coa participación das asociacións. O alcalde, Julio Sacristán, convocou para mañá venres a 62 entidades que xa formaron parte no seu día do proceso de participación para a redacción do proxecto que mereceu a axuda europea.
Medio centenar de maiores participa desde antonte e ata mañá venres nunha viaxe pola historia de Portugal, enmarcada no programa de actividades de dinamización comunitaria do Concello de Culleredo. En concreto están a descubrir o patrimonio cultural de Coimbra.
O Concello de Culleredo redobrará a vixilancia da Policía Local sobre os estacionamentos de maneira indebida de vehículos, especialmente sobre os que afecten á mobilidade dos peóns. Baixo a premisa de que en materia de seguridade viaria o primeiro é a persoa, o goberno local porá todos os seus medios para asegurar a convivencia entre o coche e o peón.
Cheas de iniciativa e decisión, as mulleres do rural de Culleredo móstranse dispostas a pór todo o seu empeño en terminar coa fenda dixital. Esa foi a premisa que manifestaron no inicio da xornada conmemorativa do Día Internacional da Muller Rural, organizada polo Concello de Culleredo na reitoral de Celas.
O programa de aulas de reforzo educativo que organiza o Concello de Culleredo logra este ano un incremento sobresaliente na participación dos veciños. Son 90 os alumnos desta edición, o que supón que se duplique con respecto ao ano pasado.
O polideportivo municipal do Burgo xa loce nova imaxe. Os usuarios xa poden observar a nova decoración exterior, cun gran grafiti con motivos deportivos que foi encargado polo Concello de Culleredo.
O Concello de Culleredo celebrará mañá xoves, 13 de outubro, o Día Internacional da Muller Rural. Trátase dunha data pensada para visibilizar o importante papel da muller no ámbito rural. A conmemoración consistirá nun encontro no que se combinará o debate coa formación. Será de 17.30 a 20.30 horas na reitoral de Celas.
O Concello de Culleredo será un dos 12 beneficiarios en Galicia das subvencións da Unión Europea para levar a cabo a súa estratexia de desenvolvemento urbano sustentable e integrado (EDUSI). Así o publicou hoxe o Boletín Oficial do Estado o Ministerio de Facenda e Administracións Públicas, encargado da xestión en España.
O Concello de Culleredo celebrou a Xunta Local de Seguridade, órgano de coordinación entre as forzas de seguridade. Segundo os datos da Garda Civil, constatouse que a media de delincuencia se sitúa en Culleredo na media da provincia.
O Concello de Culleredo proporá ao pleno ordinario da corporación, que terá lugar o xoves 29 ás 20.30 horas, varios cambios en ordenanzas de cara ao exercicio 2017. Entre eles atoparase un tipo especial no imposto sobre vehículos de tracción mecánica (comunmente chamado imposto de circulación) para os de tipo eléctrico, tendo en conta os beneficios ambientais que supoñen.
O Concello de Culleredo lanza aulas de reforzo educativo para impartir clases de apoio aos alumnos do municipio tras a conclusión do horario lectivo e para preparar as probas libres da ESO. A inscrición está aberta ata o 30 de setembro.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER