Actualidad
O Concello recibe o Plan Xeral completo tras o traballo do equipo redactor
O Concello de Culleredo da un importante paso no proceso de elaboración do Plan Xeral de Ordenación Municipal. O equipo redactor acaba de entregar ao Concello a PXOM completo, unha vez que realizou todos os cambios marcados polos informes sectoriais e polas alegacións consideradas.
O pleno aprobou un crecemento dun 9% nos orzamentos cunha subida dun 55% en investimentos
O Concello de Culleredo apunta a un significativo crecemento económico en 2017. O pleno aprobou a proposta de orzamentos á alza do goberno local, cos apoios da Marea Veciñal de Culleredo e Ciudadanos, en concreto un 9,08% maiores que en 2016, alcanzando a cifra de 22.227.057,03 euros.
O goberno local e a Marea Veciñal alcanzan un acordo co emprego, servizos sociais e investimentos como liñas principais
O grupo de goberno socialista e o grupo de Marea Veciñal de Culleredo alcanzaron un acordo para desenvolver un traballo conxunto en favor do interese xeral dos veciños do municipio, incluíndo a aprobación dos orzamentos municipais para 2017, o plan POS financiado pola Deputación da Coruña, e as actuacións da estratexia DUSI dotada con fondos europeos.
Os traballos de Emalcsa por unha fuga na súa tubaxe xeral poden xerar episodios de turbidez na zona urbana
O Concello de Culleredo informa que Emalcsa acaba de comezar os traballos de reparación da súa tubaxe xeral, cun diámetro de 800mm, que presentaba unha fuga de auga entre as rúas Irmáns Suárez Ferrín e a avenida de Cordeda, no núcleo da Corveira. Pode aparecer auga turbia no Burgo, Fonteculler, Acea de Ama e parte baixa da avenida de Vilaboa.
Fomento denega a senda verde entre Orro e Boedo porque quere repoñer a vía do tren
Os plans de Fomento de repoñer a antiga vía do ferrocarril para conectar Meirama co Porto Exterior fan inviable o proxecto de vía verde que pretendía o Concello de Culleredo. Por outro lado, o ADIF si que ve con bos ollos o cubrimento da vía no Burgo, proposta presentada polo alcalde de Culleredo, Julio Sacristán.
O Concello ensinou a resucitación cardíaca a 255 alumnos do IES Blanco Amor
O Concello de Culleredo celebrou no IES Blanco Amor unha gran sesión de formación da manobra de resucitación cardíaca, RCP, na que participaron 255 alumnos de 4º de ESO e 1º de Bacharelato. Para iso contou coa colaboración da asociación ASGATE, que levou os instrutores, moitos deles alumnos do ciclo de técnico de emerxencias.
Os escolares descubriron o funcionamento do Concello
O Concello contrata a creación do carril bici metropolitano
A creación do carril bici metropolitano dá un novo paso en Culleredo coa licitación dos traballos. O Concello abre o proceso de contratación, cun orzamento de 257.389,55 euros, que financia a Deputación da Coruña.
Afaco comeza en Vilaboa os talleres para apoiar as fases iniciais do Alzheimer
As instalacións de Benestar Social do Concello de Culleredo situadas en Vilaboa acollerán desde mañá os talleres do programa Activa-T, que organiza a Asociación de Familiares de Enfermos de Alzheimer da Coruña (AFACO) e que chega ao municipio cullerdense grazas á colaboración entre a devandita entidade e o goberno local.
Os Templarios xa conta con nova iluminación pública
O Concello de Culleredo completou a renovación da iluminación no paseo dos Templarios, unha das actuacións en materia de iluminación pública programadas polo goberno local. Neste caso, o proxecto desenvolveuse tanto no paseo marítimo como na rúa interior, onde finalizará a actuación aumentando os puntos de luz xunto ao acceso ás vivendas.
O programa de Nadal do Concello reuniu a máis de 5.000 persoas
A ampliada programación de actividades de Nadal ofrecida este ano polo Concello de Culleredo traduciuse nunha gran aceptación por parte dos veciños. As opcións culturais, deportivas, e de animación congregaron a máis de 5.000 persoas, sen contar os asistentes da cabalgata do pasado xoves.
Protección Civil tira de enxeño para loitar contra a avespa asiática
A proliferación da avespa asiática en Galicia faise notar tamén en Culleredo. Esta especie invasora levou un bo número das intervencións do servizo municipal de Protección Civil o ano pasado, que retirou 210 niños. Un enxeño cun barril de cervexa axudou nos traballos.
Finalizados os traballos de acondicionamento da praza Castelao
A praza Daniel Rodríguez Castelao, en Fonteculler, presenta unha nova imaxe. O Concello de Culleredo acaba de concluír as obras de renovación do punto, que se centraron nos principais elementos do espazo urbano, que concentra numerosas vivendas.
O Concello contrata a reparación do paseo do Trabe xunto ao campo de fútbol
O Concello de Culleredo dá un paso máis para a recuperación do paseo do Río Trabe na contorna do campo de fútbol do Burgo ao contratar as obras, asumindo a reparación dos vicios ocultos cos que naceu este tramo de 70 metros.
A Policía Local constata o respecto ás prazas para mobilidade reducida tras a campaña feita
A campaña de sensibilización para o uso das prazas reservadas para persoas con mobilidade reducida está a funcionar. É o que acaba de constatar o Concello de Culleredo na campaña especial de vixilancia levada a cabo pola Policía Local en todos os estacionamentos do municipio.
O Concello solicita a implicación da Xunta no financiamento do Conservatorio
O Concello de Culleredo pide á Xunta que asuma o financiamento do Conservatorio, xa que é a administración competente e se trata dun servizo supramunicipal. Na actualidade o Concello asume un 69,55% do custe.
Os alumnos de APEM estrean na Casa Rosa o seu belén feito con fofuchas
O Burgo conta desde hoxe co seu belén máis social. Os alumnos do Centro de Rehabilitación Laboral e Psicosocial que APEM (Asociación Pro Enfermos Mentais) ten na Casa Rosa estrearon hoxe o seu belén realizado con bonecas fofuchas.
O Concello licita obras no Bosque, Vinseira Grande e na pista deportiva de Castelo
Culleredo celebra o I Festival das Aves da Ría do Burgo
As aves serán as protagonistas de Culleredo esta semana. Desde o luns 12 ao sábado 17, o Concello organiza o seu primeiro Festival das Aves da ría do Burgo, unha cita que pretende enxalzar o valor ambiental do estuario a nivel ornitolóxico.
O Concello humanizará as rúas Celso Emilio Ferreiro e San Manuel
O Concello de Culleredo cambiará a imaxe de dúas rúas do centro urbano do Burgo para mellorar as súas prestacións aos veciños e situalas acorde coas xa renovadas na contorna. Licita a obra de humanización das rúas Celso Emilio Ferreiro e San Manuel, en pleno núcleo, xunto á praza de Galicia e a rotonda de Costa da Lonxa.
- « primeira
- ‹ anterior
- …
- 46
- 47
- 48
- 49
- 50
- 51
- 52
- 53
- 54
- …
- seguinte ›
- última »
Sede electrónica
Trámites en liña, taboleiro oficial, carpeta cidadá...
Canle Culleredo
Emisións en directo e material audiovisual.
Teléfonos de interese
- Casa do Concello981.677.777
- A Escada981.664.452
- C.F.Pablo Picasso981.664.204
- Centro de información ás mulleres (CIM)981.654.570
- Centro municipal asociativo981.652.122
- Conservatorio de Música981.667.798
- Edificio usos múltiples981.665.597
- Policia Local981.677.755
- Protección Civil981.651.879
- Servizos sociais de O Burgo981.654.570
- Servizos sociais de Vilaboa981.660.079
- Villa Melania981.650.077
Séguenos en Twitter
Tweets por @ConcCulleredo
