A creación do carril bici metropolitano dá un novo paso en Culleredo coa licitación dos traballos. O Concello abre o proceso de contratación, cun orzamento de 257.389,55 euros, que financia a Deputación da Coruña.

O Concello de Culleredo completou a renovación da iluminación no paseo dos Templarios, unha das actuacións en materia de iluminación pública programadas polo goberno local. Neste caso, o proxecto desenvolveuse tanto no paseo marítimo como na rúa interior, onde finalizará a actuación aumentando os puntos de luz xunto ao acceso ás vivendas.

A proliferación da avespa asiática en Galicia faise notar tamén en Culleredo. Esta especie invasora levou un bo número das intervencións do servizo municipal de Protección Civil o ano pasado, que retirou 210 niños. Un enxeño cun barril de cervexa axudou nos traballos.

O Concello de Culleredo dá un paso máis para a recuperación do paseo do Río Trabe na contorna do campo de fútbol do Burgo ao contratar as obras, asumindo a reparación dos vicios ocultos cos que naceu este tramo de 70 metros.

O Concello de Culleredo pide á Xunta que asuma o financiamento do Conservatorio, xa que é a administración competente e se trata dun servizo supramunicipal. Na actualidade o Concello asume un 69,55% do custe.

O Concello de Culleredo cambiará a imaxe de dúas rúas do centro urbano do Burgo para mellorar as súas prestacións aos veciños e  situalas acorde coas xa renovadas na contorna. Licita a obra de humanización das rúas Celso Emilio Ferreiro e San Manuel, en pleno núcleo, xunto á praza de Galicia e a rotonda de Costa da Lonxa.

O Concello de Culleredo viviu o venres o pleno infantil, na súa edición XVII, a sesión máis multitudinaria con 221 escolares do CEIP Ría do Burgo, Sofía Casanova, Tarrío e o colexio Ponte Pasaxe. Cada clase de sexto de primaria tivo os seus concelleiros no estrado que presentaron propostas para o debate e votación por parte do conxunto do pleno infantil.

O Concello de Culleredo manifesta o seu fondo pesar e consternación polo falecemento de Celestino Poza Domínguez na madrugada de hoxe. Foi concelleiro da corporación desde 1983 ata 2011, un total de 28 anos nos que exerceu sempre cargos dentro do grupo de goberno.