O Concello de Culleredo celebrou no IES Blanco Amor unha gran sesión de formación da manobra de resucitación cardíaca, RCP, na que participaron 255 alumnos de 4º de ESO e 1º de Bacharelato. Para iso contou coa colaboración da asociación ASGATE, que levou os instrutores, moitos deles alumnos do ciclo de técnico de emerxencias.
A creación do carril bici metropolitano dá un novo paso en Culleredo coa licitación dos traballos. O Concello abre o proceso de contratación, cun orzamento de 257.389,55 euros, que financia a Deputación da Coruña.
As instalacións de Benestar Social do Concello de Culleredo situadas en Vilaboa acollerán desde mañá os talleres do programa Activa-T, que organiza a Asociación de Familiares de Enfermos de Alzheimer da Coruña (AFACO) e que chega ao municipio cullerdense grazas á colaboración entre a devandita entidade e o goberno local.
O Concello de Culleredo completou a renovación da iluminación no paseo dos Templarios, unha das actuacións en materia de iluminación pública programadas polo goberno local. Neste caso, o proxecto desenvolveuse tanto no paseo marítimo como na rúa interior, onde finalizará a actuación aumentando os puntos de luz xunto ao acceso ás vivendas.
A ampliada programación de actividades de Nadal ofrecida este ano polo Concello de Culleredo traduciuse nunha gran aceptación por parte dos veciños. As opcións culturais, deportivas, e de animación congregaron a máis de 5.000 persoas, sen contar os asistentes da cabalgata do pasado xoves.
A proliferación da avespa asiática en Galicia faise notar tamén en Culleredo. Esta especie invasora levou un bo número das intervencións do servizo municipal de Protección Civil o ano pasado, que retirou 210 niños. Un enxeño cun barril de cervexa axudou nos traballos.
A praza Daniel Rodríguez Castelao, en Fonteculler, presenta unha nova imaxe. O Concello de Culleredo acaba de concluír as obras de renovación do punto, que se centraron nos principais elementos do espazo urbano, que concentra numerosas vivendas.
O Concello de Culleredo dá un paso máis para a recuperación do paseo do Río Trabe na contorna do campo de fútbol do Burgo ao contratar as obras, asumindo a reparación dos vicios ocultos cos que naceu este tramo de 70 metros.
A campaña de sensibilización para o uso das prazas reservadas para persoas con mobilidade reducida está a funcionar. É o que acaba de constatar o Concello de Culleredo na campaña especial de vixilancia levada a cabo pola Policía Local en todos os estacionamentos do municipio.
O Concello de Culleredo pide á Xunta que asuma o financiamento do Conservatorio, xa que é a administración competente e se trata dun servizo supramunicipal. Na actualidade o Concello asume un 69,55% do custe.
O Burgo conta desde hoxe co seu belén máis social. Os alumnos do Centro de Rehabilitación Laboral e Psicosocial que APEM (Asociación Pro Enfermos Mentais) ten na Casa Rosa estrearon hoxe o seu belén realizado con bonecas fofuchas.
As aves serán as protagonistas de Culleredo esta semana. Desde o luns 12 ao sábado 17, o Concello organiza o seu primeiro Festival das Aves da ría do Burgo, unha cita que pretende enxalzar o valor ambiental do estuario a nivel ornitolóxico.
O Concello de Culleredo cambiará a imaxe de dúas rúas do centro urbano do Burgo para mellorar as súas prestacións aos veciños e situalas acorde coas xa renovadas na contorna. Licita a obra de humanización das rúas Celso Emilio Ferreiro e San Manuel, en pleno núcleo, xunto á praza de Galicia e a rotonda de Costa da Lonxa.
Culleredo inicia mañá luns, 5 de decembro, a súa campaña de Nadal co tradicional acendido das luces. Será o punto de inicio para un programa variado de actividades culturais, deportivas, sociais e de animación comercial que se desenvolverá no municipio.
O Concello de Culleredo viviu o venres o pleno infantil, na súa edición XVII, a sesión máis multitudinaria con 221 escolares do CEIP Ría do Burgo, Sofía Casanova, Tarrío e o colexio Ponte Pasaxe. Cada clase de sexto de primaria tivo os seus concelleiros no estrado que presentaron propostas para o debate e votación por parte do conxunto do pleno infantil.
O alcalde de Culleredo, Julio Sacristán, desprazouse a Santiago para manter unha reunión coa conselleira de Medio Ambiente, Beatriz Mato, con obxecto de abordar importantes actuacións de futuro no municipio: modernizar a rede de auga e crear unha senda fluvial polo´s ríos Mero, Valiñas e A Regueira.
O Concello de Culleredo manifesta o seu fondo pesar e consternación polo falecemento de Celestino Poza Domínguez na madrugada de hoxe. Foi concelleiro da corporación desde 1983 ata 2011, un total de 28 anos nos que exerceu sempre cargos dentro do grupo de goberno.
Todas as prazas reservadas para persoas con mobilidade reducida do municipio de Culleredo contan con esta semana cunha placa adicional á sinalización de tráfico. Reza "Ponte na miña pel, non na miña praza", buscando sensibilizar de uso exclusivo para estes usuarios.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER