O Concello de Culleredo potencia a ría do Burgo como espazo para a práctica deportiva. Tras a estrea o ano pasado con kaiaks, nesta ocasión aproveitará a lagoa de Fonteculler para impartir unha formación en piragüismo. A inscrición xa está aberta.

O Concello de Culleredo traballa desde hoxe coas asociacións do municipio no desenvolvemento da súa estratexia de desenvolvemento urbano sustentable e integrado (DUSI), para que logrou o financiamento da Unión Europea. De feito, Culleredo é o único concello da área metropolitana e un dos 12 de Galicia que conseguiu a subvención europea.

O Concello de Culleredo emprenderá un novo plan para ampliar o servizo de saneamento de augas residuais en diversos núcleos. Será un investimento de 260.000 euros, procedentes das arcas municipais, para responder a peticións trasladadas polos veciños.

O Concello de Culleredo cambiará a imaxe de dúas rúas do centro urbano do Burgo para mellorar as súas prestacións aos veciños e situalas acorde coas xa renovadas na contorna. O Concello acaba de formalizar o contrato para a obra de humanización das rúas Celso Emilio Ferreiro e San Manuel, en pleno núcleo, xunto á praza de Galicia e a rotonda de Costa da Lonxa.

A boa situación económica que presenta o Concello de Culleredo, do mesmo xeito que outros moitos concellos, choca coa prohibición determinada polo Goberno do Estado de empregar eses fondos en investimentos para os veciños. Por iso, o goberno municipal que preside Julio Sacristán presentará mañá xoves 27 de abril no pleno ordinario unha iniciativa para esixir ao Goberno Central que autorice o uso do superávit.

O Concello de Culleredo participou o sábado 22 de abril en Betanzos no acto principal do programa "Primavera no Camiño", impulsado pola Deputación da Coruña para promocionar o Camiño Inglés. O Concello contou cun espazo no varias empresas locais amosaron os seus produtos. 

Os campamentos municipais de primavera viven este ano a súa edición máis numerosas. Este é o quinto ano consecutivo que funciona a iniciativa, ideada polo Concello de Culleredo para favorecer a conciliación, e acolle nesta ocasión a 95 nenos e nenas de 3 a 12 anos de idade.

O Concello logra que a Xunta atenda as súas peticións de mellora da AC-213 do Burgo á Telva, da AC-400 entre Sigrás e Celas, e da AC-523 en Ledoño. Ademais crearase unha senda peonil e ciclista entre o paseo do Mero e a zona verde do polígono de Alvedro.