A Deputación da Coruña vén de asinar o contrato para o proxecto de mellora e incremento da seguridade viaria da DP-3104 ao seu paso por Liñares, en Culleredo. Trátase dunha actuación concretada co Concello para renovar de xeito notable as prestacións da vía, que conta con numerosas vivendas en ambas as dúas marxes.

O Concello de Culleredo quere implicar á mocidade no deseño dos plans e actuacións municipais. Con esta vocación, o goberno local presenta un portal de participación cidadá dirixido especificamente á poboación entre 16 e 35 anos de idade, que supoñen máis de 5.000 habitantes do termo.

Este ano está prevista a convocatoria dos novos programas de Política Urbana cofinanciados pola Comisión Europea e, especialmente, ao referente a España, dos programas de Desenvolvemento Urbano Sostible (EDUSI).

Culleredo acolleu esta mañá unha xornada de debate sobre Política Urbana na que se deron cita as cidades galegas que forman parte do Eixo Atlântico, no contexto da convocatoria dos novos programas de Política Urbana cofinanciados pola Comisión Europea e, especialmente e, ao referente a españa, dos programas de Desenvolvemento Sostible (EDUSI).

Os voluntarios de Protección Civil de Culleredo impartiron esta tarde un curso de primeiros auxilios ao profesorado da Galiña Azul de O Burgo. Celebrouse nun dos salóns do centro, de 17:00 a 19:00 horas. Á sesión asistiron unha ducia de profesores e profesores.

A arbitraxe comeza a ter canteira en Culleredo. O Concello e o Comité Técnico Galego de Árbitros de Fútbol comezaron hoxe o proxecto pioneiro para promover esta vertente do deporte entre os mozos do municipio.

Celebraranse sesións para escolares de Educación Primaria en febreiro e marzo do CEIP Plurilingüe de Tarrío, CEIP Vila de Rutis e CEIP Plurilingüe Ría do Burgo.

O Concello de Culleredo está a executar unha importante actuación de renovación de servizos na parroquia de Sésamo. Trátase da ampliación e mellora tanto da drenaxe como da pavimentación de As Nabeiras.

Culleredo acolleu esta mañá a segunda reunión de carácter intermunicipal coa Laracha, Arteixo, Carballo e A Coruña para definir os temas e desafíos que, de maneira conxunta, cren que se debe incorporar ao debate da súa propia estratexia territorial.