A Deputación da Coruña licitou o proxecto de acondicionamento e mellora da seguridade viaria da DP-3104 ao seu paso por Liñares, na contorna do aeroporto de Alvedro. Crearase unha senda peonil de aproximadamente 1,8 quilómetros, que partirá da antiga igrexa de Santo Estevo de Tarrío e terminará na intersección da DP-3104 coa antiga N-550. Contará cun orzamento de 522.692,67 euros. O prazo de presentación de ofertas remata o 24 de outubro.

Culleredo retomará as súas 'Rutas Barítimas' do 10 ata o 23 de outubro con votacións a través do móbil e premios por valor de 2.500 euros, para os locais de hostalería máis votado e para as persoas que participen. Daranse cita nas mesmas dous cociñeiros de prestixio, quen valorará as creacións. O prezo da tapa será de 1,90 euros.

Esta mañá produciuse unha reunión no Concello de Culleredo entre o alcalde, José Ramón Rioboo; a concelleira de Educación, Jéssica Méndez; e as familias dos alumnos afectados polos recortes de persoal coidador para o curso 2022-2023. Mar Rodríguez, Susana Santamaría e María Mosquera estiveron acompañadas por María Roca, portavoz do AMPA do IES Rego de Trabe.

Culleredo estreou esta mañá a Feira de Oportunidades da Deputación da Coruña, a última das seis que impulsou o ente provincial e que estará hoxe e mañá en Praza Europa. Ao acto inaugural acudiu o alcalde e deputado provincial, José Ramón Rioboo Castro, xunto aos concelleiros e concelleiras Mario Iglesias, Abraham Seijas, Carlos Liñares, Penélope López, Marta Iglesias, Marta Figueroa e Miguel Suárez.

O Concello de Culleredo obtivo, tras meses de tramitación administrativa con Patrimonio, debido a que a contorna dos traballos de remodelación da Praza de Galicia atópase en área de influencia do Camiño Inglés, os pertinentes permisos para a licitación da obra, que espera ver a luz nas próximas semanas. Foise adaptando así, progresivamente, aos cambios que requiría o ente autonómico.

Continúan as reunións coas Asociacións de Veciños de Culleredo tras os encontros con representantes de Sésamo, Castelo e Río Trabe. Estas citas prolongaranse ata mañá, último día para presentar propostas ao orzamento 2023.

O goberno local comezou esta mañá unha rolda de consultas co tecido asociativo de Culleredo para coñecer de preto as súas necesidades, demandas e achegas para mellorar servizos e infraestruturas na devandita parroquia.

O Concello de Culleredo adxudica novas actuacións dentro dos seus plans de mellora da rede viaria do municipio. Nesta ocasión acaba de contratar as obras para renovar viarias de Vinseira Pequena e de Castelo, respondendo as demandas dos residentes da súa contorna.

O Concello de Culleredo habilitará este xoves o itinerario alternativo de circulación de vehículos polas obras da glorieta de Vilaboa, que comezaron a semana pasada e enmarcados dentro do proxecto de maior envergadura do mandato, o de humanización da antiga N-550 e a súa contorna ao seu paso por este núcleo poboacional.