ES / GL
Os pequenos de Culleredo celebran o Día Mundial da Árbore
Un total de 80 nenos e nenas do Colexio Rural Agrupado de Culleredo conmemoraron o Día da Árbore cunha plantación de árbores, ás que previamente bautizaron, no Pazo de Vila Melania. Logo desfrutaon dun contacontos e dunha merendiña nunha actividade organizada polo Concello de Culleredo. O Concello ultima a recuperación da contorna da igrexa do Burgo
A rehabilitación da contorna da igrexa románica do Burgo entra na súa recta final. Tras a renovación do pavimento, a instalación de xogos infantís, a substitución do atrio ou a plantación do céspede, apenas resta a retirada dun poste de luz. O Concello estima que a obra concluirá antes de Semana Santa.O Concello informa sobre como tramitar reclamacións de consumo
A xornada: “Dereitos do consumidor. Tramitación de queixas e reclamacións” desenvolverase o 21 de marzo no Edificio Municipal de Servizos Múltiples de Burgo. É a primeira dun ciclo de charlas que se levarán a cabo para dar a coñecer á cidadanía aspectos básicos en materia de consumo.
O Concello inicia un obradoiro para ensinar a manexar o móbil
O Concello inicia unha acción formativa para ensinar a manexar o móbil. Nas sesións, que se celebran no Burgo e en Vilaboa, abordaranse conceptos como a mensaxería, o uso da cámara do terminal, a creación de contactos de emerxencia, ou as aplicacións de internet.O Grupo de Teatro Interxeneracional inicia unha xira de actuacións ante os pequenos
Os maiores de Culleredo levan as súas obras de teatro aos máis pequenos do municipio. O Grupo de Teatro Interxeneracional actuará entre o 14 e o 28 de marzo nas escolas infantís e nos centros Aspanaes da Coruña e de Castelo.O Concello presenta un libro sobre Xaime Quintanilla Martínez
O Concello de Culleredo presentará o venres 16 de marzo, ás 20.30 horas, no Edificio de Servizos Múltiples do Burgo o libro "Xaime Quintanilla Martínez: vida e obra dun socialista e galeguista ao servizo da República", editado pola Fundación Luís Tilve.
Conclúe a conmemoración do Día Mundial da Muller cunha mesa de debate de sindicatos e empresarios
Para rematar a campaña “Muller: no traballo dignidade”, o Concello organiza un debate co título “Mulleres e crise: dobre desigualdade”., que abordará a influencia que pode estar a provocar a situación de crise nas políticas de igualdade. Será o 14 de marzo, ás 20:00 horas no Conservatorio.
Culleredo implantará zonas de “aparcamento exprés” para favorecer a actividade comercial
Para favorecer a actividade comercial e hostaleira do municipio, o Concello de Culleredo impulsará o "aparcadoiro exprés" no núcleo do Burgo. A praza de Europa, a avenida de Ribados, a avenida de Galicia e fronte o Edificio de Servizos Múltiples serán as zonas que acollan as 10 prazas nas que se estableza o estacionamento limitado, sen tarifa algunha e sinalizadas en azul.Culleredo acolle o II Maratón de Fútbol Sala ‘Castelo non para’
O polideportivo de Tarrío será esceario esta fin de semana da segunda edición do ‘Castelo Non Para’, o maratón de fútbol sala organizado pola Asociación Castelo Deporte en colaboración co Concello. Serán 24 horas ininterrompidas de deporte e convivencia.Os delegados parroquiais apostan pola ecoloxía no programa de actividades de maiores
A asemblea dos delegados parroquiais de Culleredo analizou os principais asuntos de actualidade coa primeira tenente de alcalde, Raquel Jabares. O programa de viaxes introducirá este ano unha compoñente ecolóxica.
Os comerciantes de Culleredo celebran a súa IV Feira de Oportunidades en Vilaboa
A asociación de Comercio de Culleredo, en colaboración co Concello de Culleredo, organiza a IV Feira de Oportunidades, na que participarán uns 35 negocios. Será os días 10 e 11 de marzo na Polideportiva Sofía Casanova de Vilaboa. Os descontos alcanzarán ata o 80%.
O Concello promove a alimentación saudable entre os adolescentes
O Concello de Culleredo desenvolverá, durante o mes de marzo, obradoiros de promoción da alimentación saudable dirixidos ao alumnado de 1º e 2º de ESO do IES Blanco Amor. Enmárcase no Plan de prevención de trastornos adictivos que o Concello está a impulsar.
Culleredo promoverá a dignidade no emprego no Día Mundial da Muller Traballadora
O Concello de Culleredo dedica o Día Mundial da Muller Traballadora deste ano, o 8 de marzo, á defensa dunhas condicións laborais dignas. A charla informativa: “Emprego doméstico: a nova regulación” terá lugar no de Pazo Vila Melania o xoves ás 19:00 horas.O Burgo recibe unha exposición de pintura, escultura e gravado
A aula de Natureza do Xardín Botánico do Burgo recibe a exposición “Artes Viaxeiras”, do Liceo Europeo das Artes, que recolle obras de pintura, escultura e gravado de diferentes autores. Permanecerá aberta ata o 7 de abril.Culleredo inicia a formación para coidadores de nenos a domicilio
A Casa Rosa do Burgo acollerá unha formación para todas aquelas persoas que queiran traballar como coidadoras de nenos e nenas a domicilio e non teñan ningunha formación específica neste campo. O curso comeza o mércores 29, día no que remata o prazo de inscrición.A nova mascota das Bibliotecas de Culleredo, a Dragona Ramona, inicia o seu traballo nos colexios
A Dragona Ramona, un personaxe que animar aos nenos a abrir libros e gozar da literatura, comeza a traballar nos colexios do municipio.O goberno local ten claro que o papel da mascota non debía cinguirse ás actividades culturais e aposta pola coordinación cos centros de ensino para promocionar a lectura desde as aulas.Culleredo promociona a musicoterapia como ferramenta para a mellora da saúde
O Concello de Culleredo organiza unha conferencia que amosará os beneficios da musicoterapia na saúde. Será impartida por unha experta e terá lugar no pazo de Villa Melania o mércores 29 ás 19.00 horas.Máis de 30.000 persoas pasaron pola I Festa do Cocido
A I Festa do Cocido, celebrada no Burgo, finalizou cun éxito rotundo de público, con máis de 30.000 persoas que asistiron, o que a converteu no centro do Entroido da comarca. Pola súa banda, o Concello aforrou 6.700 euros grazas ao evento.
O Burgo acolle o venres o Deportivo - Oporto de veteranos
O polideportivo do Burgo será o esceario do Deportivo - Oporto da liga de veteranos de fútbol indoor. O Concello e o equipo piden o máximo apoio dos afeccionados para derrotar a un rivil complicado e case asegurarse o pase á seguinte fase.O Burgo acolle a I Festa do Cocido
O recinto multiusos do Burgo acolle a I Festa do Cocido, cinco xornadas onde a gastronomía, a música, a animación, e tamén a solidariedade serán protagonistas. A carpa ten 2.500 metros cadrados de superficie, aos que hai sumar outros 600 onde se situarán as cociñas, os servizos ou o recinto de animación infantil. Na carpa principal estarán instaladas 200 mesas onde caberán unhas 1.600 persoas.- « primeira
- ‹ anterior
- …
- 89
- 90
- 91
- 92
- 93
- 94
- 95
- 96
- 97
- …
- seguinte ›
- última »
Sede electrónica
Trámites en liña, taboleiro oficial, carpeta cidadá...
Canle Culleredo
Emisións en directo e material audiovisual.
Teléfonos de interese
- Casa do Concello981.677.777
- A Escada981.664.452
- C.F.Pablo Picasso981.664.204
- Centro de información ás mulleres (CIM)981.654.570
- Centro municipal asociativo981.652.122
- Conservatorio de Música981.667.798
- Edificio usos múltiples981.665.597
- Policia Local981.677.755
- Protección Civil981.651.879
- Servizos sociais de O Burgo981.654.570
- Servizos sociais de Vilaboa981.660.079
- Villa Melania981.650.077
Séguenos en Twitter
Tweets por @ConcCulleredo
