O Concello de Culleredo aprobou a ordenanza reguladora da Inspección Técnica de Edificacións (ITE). Con esta medida, regúlase a obrigación de manter nas edificacións as condicións básicas de seguridade, estabilidade, estanqueidade, ou consolidación estrutural. Para iso, elaborarase un informe emitido por un técnico competente que se debe presentar dentro do ano seguinte a aquel en que o edificio cumpra 50 anos.

No programa participaron dous centenares de veciños mellorando as súas habilidades de diversa índole. E é que, cun carácter eminentemente práctico, as aulas afondaron en materias de máxima actualidade, coma as novas tecnoloxías, o coidado infantil ou a economía. “O éxito foi rotundo e temos claro que os participantes saen cuns coñecementos adquiridos que necesitaban para a súa vida cotiá”, destaca a primeira tenente de alcalde, a nacionalista Raquel Jabares.

O IV Encontro de Coches Clásicos, Históricos e Deportivos abarrotou O Burgo o pasado fin de semana. Centos de persoas achegáronse o sábado e o domingo ao recinto multiusos do paseo marítimo para gozar da cita organizada polo Concello de Culleredo, coa colaboración do Automóbil Club de Culleredo.

O recinto multiusos do paseo marítimo do Burgo prepárase para recibir este fin de semana por centos de visitantes. O Concello de Culleredo, coa colaboración do Automóbil Club de Culleredo, organiza o IV Encontro de Coches Clásicos, Históricos e Deportivos que reunirá a un centenar de modelos e permitirá gozar das peripecias dos pilotos.

Desde a posta en marcha do Plan de Illamento Acústico do aeroporto de Alvedro, o Concello de Culleredo detectou diversas situacións que tivo coñecemento por parte dos afectados e que mañá na reunión da comisión de seguimento, o alcalde, Julio Sacristán, porá sobre a mesa.

O Campionato de Tute Concello de Culleredo alcanza a súa XIV edición coa participación de 80 parellas nesta fase final. O venres 18 de maio celebrouse a primeira xornada desta fase, coa presencia do concelleiro de Deportes, Bernardo Peiteado. O venres 25 continuará coa segunda.

O Concello de Culleredo organiza o mércores 16 , ás 20.30 h, no Xardín Botánico, o acto de presentación do poemario "O canto do galo" e da novela "Alma María. Historia de una amistad", e a inauguración da exposición Curvando trazos, de Alfredo Vázquez Casal. A exposición permanecerá aberta ao público ata o 16 de xuño de 2012.

O Burgo acollerá do 25 ao 29 de xuño, primeira semana de vacacións escolares, o IX Campus de Baloncesto "Verán Culleredo", organizado polo Clube Baloncesto Culleredo, en colaboración co Concello e con Gadis Híper do Burgo. Os pequenos, ademais do deporte, desfrutarán de actividades acuáticas ou xogos no horario de 8.30 a 19.00 horas que permite a actividade.