O Concello de Culleredo informa de que o prazo para a preinscripción na Sección da Escola Oficial de Idiomas de Culleredo remata o vindeiro día 12 de Setembro. Toda a información en: http://www.edu.xunta.es/centros/eoicoruna/category/11/46
O Concello de Culleredo participa nunha actividade formativa transfronteiriza sobre hábitos de vida saudables para os maiores. Atópase enmarcada nunha iniciativa do Fondo de desenvolvemento rexional europeo (FEDER), organizada pola Universidade do Minho en Braga-Portugal.
A Festa da Pintura “Pintor Argüelles tivo lugar o domingo 5 de agosto nas instalacións do Xardín Botánico “Ría do Burgo”. situado no Paseo Marítimo do Burgo”. Os participantes realizaron os seus traballos pictóricos na contorna natural da instalación.
O Concello de Culleredo volveu a congregar a centos de persoas no recinto multiusos do Burgo coa estrea da Concentración Tuning "Ría do Burgo". Puidéronse atopar coches de todas as cores, con diferentes aperturas de portas, equipos de son, neóns, etc. O concelleiro de Dinamización Local, Isidro Taibo, comprobada a gran afluencia de público e o nivel dos vehículos participantes, anuncia a ampliación da cita para o próximo ano.
O vindeiro sábado 25 terán lugar no campo de fútbol de Rutis as finais dos torneos de Fútbol Veterán e Fútbol Afeccionado, que congregan a un bo número de equipos das diferentes parroquias do municipio. A primeira comezará ás 16.15 horas e a segunda será posteriormente, entorno ás 18.00 horas.
O goberno local presentará no vindeiro pleno as actuacións que incluirá no Plan DPC 94 a través do cal o Concello recibirá 353.661,87 euros para a execución de proxectos e para gasto corrente. A maior parte desta cantidade será destinada á execución de diversas obras de mellora de viarias e rúas e á instalación de xogos infantís.
O Concello de Culleredo proponse a eliminación das fochancas da rede viaria municipal. Os traballos comezarán este mes de agosto e prolongaranse no que queda de 2012, tempo necesario para arranxar todos aqueles puntos que o demandan. Para acometer esta campaña o Concello destinará 49.000 euros das arcas municipais.
A Policía Local de Culleredo e a Garda Civil de Tráfico establecen un protocolo de colaboración para optimizar a súa actuación no municipio. Ambos corpos de seguridade asinaron un acordo polo que se traspasa a atención nos tramos urbanos das principais estradas da Xunta de Galicia e da Deputación da Coruña á Policía Local. Este protocolo entrará en vigor o 1 de xaneiro de 2013.
A Festa da Pintura “Pintor Argüelles terá lugar o vindeiro domingo día 5 de agosto nas instalacións do Xardín Botánico “Ría do Burgo”. situado no Paseo Marítimo do Burgo”. Os participantes realizarán os seus traballos pictóricos entre as 10:00 e as 14:00 horas. Ademais, os máis novos poderán participar nunha exhibición de graffiti.
Será este venres, 3 de agosto, a partir das 21.30 horas. A nave da Cros situada máis preto do paseo marítimo será escenario para un gran gala de circo na rúa. Malabaristas, acróbatas, ou pallasos ofrecerán as súas técnicas baixo a estrutura da fábrica. Alí tamén se situarán os espectadores deste espectáculo que terá unha entrada libre e gratuíta.
O pleno aprobou a proposta de redución de salarios de concelleiros e de indemnizacións por asistencia que propuxo o goberno local. A redución é de aplicación aos membros da corporación con dedicación que terán unha redución de 7,1% do seu salario. Culleredo tamén rebaixará a contía por asistencia aos órganos do Concello nunca cuantía similar.
O Concello de Culleredo celebrará entre o 4 e o 25 de agosto os torneos de Fútbol Afeccionado e Fútbol Veterán, que congregarán a un bo número de equipos das diferentes parroquias do municipio. A continuación poden descargarse os calendarios de ambas competicións.
A Policía Local de Culleredo incrementa o persoal con cinco novos axentes que se incorporan despois de completar a súa formación na Academia Galega de Seguridade. Con estes novos efectivos, o Concello reforzará a vixilancia creando unha patrulla a pé que estará presente mañá e tarde nos núcleos urbanos do municipio.
O Concello de Culleredo informa da apertura dunha convocatoria extraordinaria para o programa "Benestar en balnearios". Os interesados poden informarse no centro municipal de Servizos Sociais ou no 981 654 570.
A Concellería de Cultura de Culleredo deseño un amplo programa cultural para o verán. A axenda inclúe accións e propostas para os veciños de todas as idades.
O Concello de Culleredo celebra desde o venres 13 até o domingo 15 de xullo a V edición do Mercado Templario. O paseo marítimo do Burgo acollerá por centos de persoas para revivir actividades como a cetraría, os bufóns, pasacalles, disputa de cabaleiros, gastronomía, etc.
O alcalde de Culleredo aposta pola creación de aparcadoiros disuasorios que alivien o tráfico das grandes arterias de circulación e promocionen o servizo de transporte público. Para mellorar o plan da Xunta, propoorá establecer un espazo no centro do núcleo de Vilaboa para ampliar o servizo a máis veciños.
O festival BurgoJazz comeza a súa XII edición centrado na promoción dos artistas galegos e da comarca do xénero. Serán catro xornadas, do xoves 12 ao domingo 15 ás 21.30 horas, que levarán a catro grupos emerxentes á Aula de Natureza do núcleo do Burgo.
O Concello de Culleredo comeza coa chegada do verán un plan de acondicionamento e limpeza da rede viaria municipal. Serán 278 camiños os incluídos nas actuacións, conducentes a evitar que se xeren incendios, especialmente na época estival.