Para rematar a campaña “Muller: no traballo dignidade”, o Concello organiza un debate co título “Mulleres e crise: dobre desigualdade”., que abordará a influencia que pode estar a provocar a situación de crise nas políticas de igualdade. Será o 14 de marzo, ás 20:00 horas no Conservatorio.
Para favorecer a actividade comercial e hostaleira do municipio, o Concello de Culleredo impulsará o "aparcadoiro exprés" no núcleo do Burgo. A praza de Europa, a avenida de Ribados, a avenida de Galicia e fronte o Edificio de Servizos Múltiples serán as zonas que acollan as 10 prazas nas que se estableza o estacionamento limitado, sen tarifa algunha e sinalizadas en azul.
O polideportivo de Tarrío será esceario esta fin de semana da segunda edición do ‘Castelo Non Para’, o maratón de fútbol sala organizado pola Asociación Castelo Deporte en colaboración co Concello. Serán 24 horas ininterrompidas de deporte e convivencia.
A asemblea dos delegados parroquiais de Culleredo analizou os principais asuntos de actualidade coa primeira tenente de alcalde, Raquel Jabares. O programa de viaxes introducirá este ano unha compoñente ecolóxica.
A asociación de Comercio de Culleredo, en colaboración co Concello de Culleredo, organiza a IV Feira de Oportunidades, na que participarán uns 35 negocios. Será os días 10 e 11 de marzo na Polideportiva Sofía Casanova de Vilaboa. Os descontos alcanzarán ata o 80%.
O Concello de Culleredo desenvolverá, durante o mes de marzo, obradoiros de promoción da alimentación saudable dirixidos ao alumnado de 1º e 2º de ESO do IES Blanco Amor. Enmárcase no Plan de prevención de trastornos adictivos que o Concello está a impulsar.
O Concello de Culleredo dedica o Día Mundial da Muller Traballadora deste ano, o 8 de marzo, á defensa dunhas condicións laborais dignas. A charla informativa: “Emprego doméstico: a nova regulación” terá lugar no de Pazo Vila Melania o xoves ás 19:00 horas.
A aula de Natureza do Xardín Botánico do Burgo recibe a exposición “Artes Viaxeiras”, do Liceo Europeo das Artes, que recolle obras de pintura, escultura e gravado de diferentes autores. Permanecerá aberta ata o 7 de abril.
A Casa Rosa do Burgo acollerá unha formación para todas aquelas persoas que queiran traballar como coidadoras de nenos e nenas a domicilio e non teñan ningunha formación específica neste campo. O curso comeza o mércores 29, día no que remata o prazo de inscrición.
A Dragona Ramona, un personaxe que animar aos nenos a abrir libros e gozar da literatura, comeza a traballar nos colexios do municipio.O goberno local ten claro que o papel da mascota non debía cinguirse ás actividades culturais e aposta pola coordinación cos centros de ensino para promocionar a lectura desde as aulas.
O Concello de Culleredo organiza unha conferencia que amosará os beneficios da musicoterapia na saúde. Será impartida por unha experta e terá lugar no pazo de Villa Melania o mércores 29 ás 19.00 horas.
A I Festa do Cocido, celebrada no Burgo, finalizou cun éxito rotundo de público, con máis de 30.000 persoas que asistiron, o que a converteu no centro do Entroido da comarca. Pola súa banda, o Concello aforrou 6.700 euros grazas ao evento.
O polideportivo do Burgo será o esceario do Deportivo - Oporto da liga de veteranos de fútbol indoor. O Concello e o equipo piden o máximo apoio dos afeccionados para derrotar a un rivil complicado e case asegurarse o pase á seguinte fase.
O recinto multiusos do Burgo acolle a I Festa do Cocido, cinco xornadas onde a gastronomía, a música, a animación, e tamén a solidariedade serán protagonistas. A carpa ten 2.500 metros cadrados de superficie, aos que hai sumar outros 600 onde se situarán as cociñas, os servizos ou o recinto de animación infantil. Na carpa principal estarán instaladas 200 mesas onde caberán unhas 1.600 persoas.
O Concello de Culleredo pon en marcha actuacións de mellora no sistema de saneamiento do municipio ao carecer de noticias das intencións da Xunta co convenio de colaboración que anunciou en novembro. As obras son realizadas pola empresa concesionaria do servizo ao ter incluído o equipo de goberno esta cláusula no contrato.
O Entroido de Veiga terá lugar o vindeiro luns 20 a partir das 13.00 horas. Os veciños xa ultiman as coplas satíricas do chamado testamento. O Concello anima a asistir ao Entroido máis xenuino de Culleredo.
A urbanización da rúa Moncho Reboiras descubre unha nova zona residencial e con espazos públicos, en pleno centro do Burgo. Isto propiciou a apertura de dúas rúas transversais que a unen con Visitación da Encina e con Fernando Pérez de Traba, mellorando a mobilidade para os residentes. O número de prazas de estacionamento rolda o centenar.
A asociación cultural Bonsai Coruña e o Concello de Culleredo abren o prazo de inscrición para o curso de coidado de bonsáis que se celebrará no Burgo en marzo. O obxectivo consiste en impartir unha formación básica para iniciarse no mundo do bonsái.
A Sala de Exposicións “Xosé Rey Lago” dos Muíños de Acea de Ama acolle unha mostra de pintura cun total de 42 cadros procedentes dos fondos artísticos do Concello de Culleredo. Estará aberta ao público ata o mes de marzo.
As sesións desenvolveranse no local social de Costa da Lonxa todos os mércores, en horario de 18:30 a 20:00 horas. A iniciativa constituirá un novo espazo de apoio ás familias para a aprendizaxe e intercambio de pautas necesarias para a crianza saudable ata os 5 anos.