O Concello de Culleredo acaba de concluír as obras de mellora de firme na parroquia de Almeiras. En concreto, os traballos de pavimentación desenvolvéronse na rúa Laberinto e a súa contorna, en Vigovidín. Ademais, iniciáronse os traballos de construción de rede de recollida de pluviais na rúa Choeira, co obxecto de evitar sobrecargar na rede de saneamento.
 

O Concello de Culleredo ultima as obras de urbanización e acondicionamento na rúa Mosteiro de Sobrado, situada no centro de Acea de Ama. A vía presentaba un estado deteriorado, agravado pola caída dun murete, polo que o Concello procedeu ao asfaltado da calzada e o arranxo dos diferentes danos que presentaban as beirarrúas.

O Concello de Culleredo estrea aplicación municipal para móbiles. Trátase do primeiro Concello galego en apostar por o desenvolvemento desta iniciativa, que permitirá ao cidadán un acceso inmediato á información municipal, así como interactuar co goberno local. O alcalde, Julio Sacristán, presentou a aplicación xa dispoñible para Apple, e en desenvolvemento para Android.

O Concello de Culleredo executa obras de mellora no sistema de tratamento das augas residuais do municipio para continuar co seu traballo de caraao saneamento integral do municipio. Son actuacións emprendidas pola empresa adxudicataria do servizo municipal de saneamento, concesionado o ano pasado, cun orzamento que rolda os 360.000 euros, todo achegado pola propia empresa concesionaria.

O alcalde de Culleredo, Julio Sacristán, recibiu ao presidente da Deputación da Coruña, Diego Calvo, para asinar o convenio entre as dúas institucións para o financiamento da vivenda tutelada de Culleredo. No acto, os dous mandatarios repasaron os diferentes ámbitos de colaboración que manteñen as dúas entidades e o alcalde avanzou o interese do Concello en acordar unha permuta de estradas antes da aprobación do Plan Xeral de Ordenación Municipal, actualmente en fase de exposición ao público.
 

O Concello de Culleredo celebrou hoxe o seu Pleno Xuvenil, conformado por 123 alumnos de 4º de ESO do IES Eduardo Blanco Amor. Tratouse da segunda edición da actividade, nacida o ano pasado, e concebida para dar a coñecer o sistema democrático da administración municipal aos mozos.

 O Concello de Culleredo iniciou o período de exposición pública do Plan Xeral de Ordenación Municipal. O Plan exponse na Casa dos Caseiros, situada en Villa Melania (Vilaboa). Estará a disposición dos veciños polo período de 2 meses días. Para facilitar ao máximo o acceso á información, o Concello abrirá a dependencia mañá e tarde. O horario de atención ao público será de luns a venres, de 10.00 a 14.00 horas e de 17.00 a 20.00.

O Concello de Culleredo contará no ano 2013 cun forte investimento para a realización de obras ao longo do municipio. Serán un total de 26 actuacións, que se executarán a través de diversos planes e de financiamento municipal, sumando unha contía total de 1.452.220,97 euros. O alcalde de Culleredo apunta que o factor común de todas estas actuacións atópase en que son traballos “necesarios”, programados en torno ao detectado polos servizos municipais e ás demandas trasladadas polos veciños.

O pleno aprobou o pasado xoves o Plan Xeral de Ordenación Municipal de forma inicial. O período de exposición pública iniciarase a mediados de febreiro. O Concello garantirá que chegue a todos os veciños con presentacións en todas as parroquias e a exposición mañá e tarde no Pazo de Villa Melania, con funcionarios presentes para resolver calquera cuestión.

O Concello de Culleredo leva hoxe a pleno a aprobación inicial do Plan Xeral de Ordenación Municipal, documento que ordena o crecemento do municipio. Unha vez aprobado polo pleno municipal, procederase á publicación do anuncio no DOG, tras o que se procederá a abrir o período de información pública por dous meses e a dar audiencia aos Concellos limítrofes.